22 ఏళ్ల తరువాత అదే పాత్రలో.. విలక్షణ నటుడు

ప్రస్తుతం సౌత్‌ నార్త్‌ అన్న తేడా లేకుండా అన్ని ఇండస్ట్రీలలో బయోపిక్‌ల సీజన్‌ నడుస్తోంది. స్వాతంత్ర్య సమరయోధులు, క్రీడాకారులతో పాటు రాజకీయ నాయకుల జీవితాలను కూడా సినిమాలుగా తెరకెక్కిస్తున్నారు. అదే బాటలో వెండితెరకెక్కేందుకు జయలలిత బయోపిక్‌ సిద్ధమవుతోంది. తమిళనాడు రాజకీయాలను శాసించిన జయలలిత జీవితంలో కమర్షియల్ సినిమాకు కావాల్సిన అన్ని అంశాలు పుష్కలంగా ఉన్నాయి. అందుకే బాలీవుడ్ క్వీన్‌ కంగనా రనౌత్‌ ప్రధాన పాత్రలో భారీ బడ్జెట్‌తో తమిళ, తెలుగు, హిందీ భాషల్లో జయ బయోపిక్‌ను తెరకెక్కిస్తున్నారు. ఇప్పటికే ఈ సినిమాకు సంబంధించిన ప్రీ ప్రొడక్షన్‌ కార్యక్రమాలు శరవేగంగా జరుగుతున్నాయి. జయ పాత్రలో నటించేందుకు కంగనా చాలా కసరత్తులు చేస్తోంది. మేకప్‌ విషయంలో జాగ్రత్తలు తీసుకోవటంతో పాటు బరువు కూడా పెరుగుతోంది. Also Read: విష్ణు ఇందూరి నిర్మిస్తున్న ఈ సినిమాకు ఏఎల్‌ విజయ్ దర్శకుడు. ప్రస్తుతం సినిమాకు నటీనటులు సాంకేతిక నిపుణుల ఎంపిక జరుగుతోంది. ఇప్పటికే కీలకమైన ఎమ్జీఆర్‌ పాత్రకు అరవింద్‌ స్వామిని తీసుకుంటున్నట్టుగా ప్రకటించారు. తాజాగా మరో కీలక పాత్రలో జయ రాజకీయ ప్రత్యర్థి కరుణానిథి పాత్రకు ఓ విలక్షణ నటుడ్ని ఎంపిక చేశారు. జయ బయోపిక్‌లో కరుణానిధిగా సీనియర్‌ నటుడు ప్రకాష్ రాజ్‌ నటించనున్నారు. గతంలో 1997లో విడుదలైన ఇద్దరు సినిమాలోనూ ప్రకాష్ రాజ్‌, కరుణ పాత్రలో నటించారు. మణిరత్నం తెరకెక్కించిన ఈ సినిమాలో మోహన్‌లాల్‌ ఎమ్జీఆర్‌ పాత్రలో నటించగా ప్రకాష్‌ రాజ్‌ కరుణానిధిగా కనిపించారు. ఈ సినిమాతోనే జయలలిత పాత్రలో ఐశ్వర్యరాయ్‌ వెండితెరకు పరిచయం అయ్యారు. Also Read: దాదాపు 22 ఏళ్ల తరువాత మరోసారి ప్రకాష్‌ రాజ్‌, కరుణా నిధి పాత్రలో నటిస్తుండటంతో జయ బయోపిక్‌పై ఆసక్తి కలుగుతోంది. భారీ బడ్జెట్‌తో తెరకెక్కుతున్న ఈ సినిమాకు బాహుబలి రచయిత విజయేంద్ర ప్రసాద్‌ కథ అందిస్తున్నారు. యువ సంగీత దర్శకుడు జీవి ప్రకాష్ సంగీతమందిస్తుండగా, నీరవ్‌ షా సినిమాటోగ్రఫి అందిస్తున్నారు. ఈ సినిమాకు తెలుగు, తమిళ భాషల్లో తలైవి, హిందీలో జయ అనే పేర్లను పరిశీలిస్తున్నారు.

By October 06, 2019 at 09:13AM

Read More https://telugu.samayam.com/telugu-movies/cinema-news/prakash-raj-to-play-karunanidhi-role-in-jayalalitha-biopic/articleshow/71461917.cms