ఆర్‌ఆర్‌ఆర్‌ షూటింగ్‌కి మళ్లీ బ్రేక్‌ పడింది!

బాహుబలి లాంటి భారీ చిత్రం తరువాత దర్శకధీరుడు తెరకెక్కిస్తున్న మరో విజువల్‌ వండర్‌ ఆర్‌ఆర్‌ఆర్‌. చారిత్రక సంఘటనలకు ఫాంటసీని జోడించి ఈ సినిమాను తెరకెక్కిస్తున్నాడు జక్కన్న. ప్రతిష్టాత్మకంగా తెరకెక్కుతున్న ఈ సినిమాలో మెగా పవర్ స్టార్ , యంగ్ టైగర్‌ ఎన్టీఆర్‌లు హీరోలుగా నటిస్తున్నారు. టాలీవుడ్‌లో ఈ జనరేషన్‌లో తెరకెక్కుతున్న బిగ్గెస్ట్ మల్టీ స్టారర్‌ ఇదే అంటున్నారు సినీ జనాలు. అయితే ఇంత ప్రతిష్టాత్మకంగా తెరకెక్కుతున్న ఆర్‌ఆర్‌ఆర్‌ సినిమా షూటింగ్‌కు ఏదో ఒక అవాంతరం ఎదురవుతూనే ఉంది. షూటింగ్ ప్రారంభించిన వెంటనే సినిమాను 2020 జూలై 30న రిలీజ్ చేస్తున్నట్టుగా ప్రకటించారు చిత్రయూనిట్. అందుకు తగ్గట్టు పక్కాగా ప్రీ ప్రొడక్షన్‌, షూటింగ్‌, పోస్ట్‌ ప్రొడక్షన్‌ కార్యక్రమాలు ప్లాన్‌ చేశారు. అయితే ఆర్‌ఆర్ఆర్‌ షూటింగ్‌ ఒక్క షెడ్యూల్‌ కూడా ముందుగా అనుకున్నట్టుగా సాగటం లేదు. Also Read: షూటింగ్ ప్రారంభించిన కొద్ది రోజులకే రామ్‌చరణ్‌ గాయపడటం, అప్పటికి తన పాత్ర కోసం పూర్తిగా సిద్ధం కాకపోవటంతో షూటింగ్ ఆగిపోయింది. తరువాత ఎన్టీఆర్‌ షూటింగ్‌కు హాజరైనా కొద్ది రోజులకే ఎన్టీఆర్‌ కూడా గాయపడటంతో మరోసారి షూటింగ్‌కు బ్రేక్‌ పడింది. తరువాత రామ్‌ చరణ్‌ ఫిట్‌గా రెడీ అయినా సైరా సినిమా ప్రమోషన్‌లో బిజీగా ఉండటంతో చరణ్‌కు సంబందించిన సన్నివేశాల చిత్రీకరణ ఆగిపోయింది. ఈ గ్యాప్‌లో ఎన్టీఆర్‌పై బల్గేరియాలో భారీ సీక్వెన్స్‌ను చిత్రీకరించాడు రాజమౌళి. ప్రస్తుతం చరణ్‌, ఎన్టీఆర్‌లు ఇద్దరు పూర్తిగా ఫ్రీ అయ్యి షూటింగ్‌కు సిద్ధమయ్యారు. కానీ ఇప్పుడు రాజమౌళి షూటింగ్‌కు బ్రేక్‌ ఇచ్చాడు. బాహుబలి సినిమాను లండన్‌లోని ఆల్బర్ట్‌ హాల్‌లో ప్రదర్శిస్తున్న సంగతి తెలిసిందే. అదే వేదిక మీద సంగీత దర్శకుడు కీరవాణి బాహుబలి నేపథ్య సంగీతాన్ని లైవ్‌లో ప్రదర్శించనున్నారు. Also Read: ఈ కార్యక్రమంలో పాల్గొనేందుకు బాహుబలి చిత్రయూనిట్ అంతా లండన్‌ వెళుతోంది. దాదాపు వారం రోజుల పాటు యూనిట్ అంతా అక్కడే ఉండేందుకు ప్లాన్ చేస్తున్నారట. ఈ కార్యక్రమం కోసం ఆర్ఆర్‌ఆర్‌ షూటింగ్‌కు వారం రోజుల పాటు బ్రేక్‌ ఇచ్చారట చిత్రయూనిట్. ఇప్పటికే షెడ్యూల్స్‌ చాలా ఆలస్యంగా నడుస్తున్నాయి. ఇప్పుడు జక్కన్న కూడా బ్రేక్‌ ఇవ్వటంతో మరింత ఆలస్యం కానుంది. ఈ పరిస్థితుల్లో అనుకున్నట్టుగా ఆర్‌ఆర్‌ఆర్‌ 2020 జూలై నెలాఖరునాటికి సిద్ధం చేయటం కష్టమే అంటున్నారు ఇండస్ట్రీ వర్గాలు. మరి జక్కన్న ప్లాన్‌ ఎలా ఉందో చూడాలి. ఈ సినిమాలో బాలీవుడ్ సీనియర్‌ హీరో అజయ్‌ దేవగన్‌, కోలీవుడ్ నటుడు సముద్రఖని కీలకపాత్రలలో నటిస్తున్నారు. రామ్‌ చరణ్‌ సరసన బాలీవుడ్‌ బ్యూటీ అలియా భట్‌ హీరోయిన్‌గా నటిస్తుండగా ఎన్టీఆర్‌కు జోడిగా నటించాల్సిన విదేశీ భామ కోసం అన్వేషణ కొనసాగుతోంది. Also Read:

By October 17, 2019 at 11:28AM

Read More https://telugu.samayam.com/telugu-movies/cinema-news/ss-rajamouli-ram-charan-and-jr-ntrs-rrr-shooting-stopped-again/articleshow/71626453.cms