ప్రగతి భవన్ ముట్టడి.. సర్వే ‘ప్రతిఘటన’.. వీడియో వైరల్

తెలంగాణ ఆర్టీసీ కార్మికుల సమ్మెకు మద్దతుగా కాంగ్రెస్ నేతలు ప్రగతి భవన్ ముట్టడికి ప్రయత్నించిన సంగతి తెలిసిందే. విషయంలో రేవంత్ ఏకపక్షంగా వ్యవహరించారని.. తమకు చెప్పలేదని కాంగ్రెస్ నేతలు తీవ్ర అసంతృప్తి వ్యక్తం చేస్తున్నారు. సీఎల్పీ భేటీలో ఈ విషయాన్ని భట్టి విక్రమార్క దృష్టికి తీసుకొచ్చారు. దీనిపై పార్టీలో చర్చ జరగాలని పట్టబడుతున్నారు. రేవంత్ తీరు పట్ల వారు గుర్రుగా ఉన్నారు. ఈ వ్యవహారాన్ని కాసేపు పక్కనబెడితే.. ప్రగతి భవన్ ముట్టడి సందర్భంగా కాంగ్రెస్ నాయకుడు పోలీసులను ‘ప్రతిఘటిస్తోన్న’ వీడియో సోషల్ మీడియాలో వైరల్‌గా మారింది. సీఎం క్యాంపు ఆఫీసు ముట్టడికి ప్రయత్నించిన రేవంత్ రెడ్డిని ప్రగతి భవన్ వద్ద అదుపులోకి తీసుకున్న పోలీసులు.. కొందరు నేతలను వారి ఇళ్ల వద్దే అదుపులోకి తీసుకున్నారు. నిరసన ప్రదర్శనకు దిగిన కేంద్ర మాజీ మంత్రి సర్వే సత్యనారాయణను కూడా ఆయన నివాసం వద్దే పోలీసులు అదుపులోకి తీసుకున్నారు. ఈ క్రమంలో మాజీ మంత్రి ‘ప్రతిఘటించిన’ తీరు ఔరా అనిపిస్తోంది. కేవలం మీడియాకు వీడియో రిలీజ్ చేయడం కోసమే అన్నట్టుగా పోలీసుల సహకారంతో ఆయన చేసిన యాక్షన్ చూస్తే ఓవైపు నవ్వు, మరో వైపు బాధ కలగడం ఖాయం. సినిమా షూటింగ్‌ను తలపించేలా ఉన్న ఈ వీడియోను చూసి.. నెటిజన్లు తెగ నవ్వుకుంటూ సెటైర్లు వేస్తుండగా.. కాంగ్రెస్ నేతలు మాత్రం తలలు పట్టుకుంటున్నారు. Read Also: అదును కోసం చూస్తోన్న టీఆర్ఎస్ శ్రేణులకు ఈ వీడియో ఓ ఆయుధంలా దొరికింది. కాంగ్రెస్ నేతల చిత్తశుద్ధి ఇదంటూ వారు చురకలు అంటిస్తున్నారు. ఈ వీడియో సర్వేకు చాలా డ్యామేజ్ చేసింది పాపం.

By October 23, 2019 at 09:45AM

Read More https://telugu.samayam.com/telangana/news/congress-leader-sarve-satyanarayana-protest-drama-with-police-at-the-time-of-house-arrest-video-goes-viral/articleshow/71715601.cms