హిస్టారికల్ రోల్ను కామెడీ చేస్తావా.. హైపర్ ఆదిపై మెగా ఫ్యాన్స్ ఆగ్రహం
హైపర్ ఆది.. ఈ పేరు చెప్పగానే మనకు నాన్ స్టాప్ పంచ్లు గుర్తుకొస్తాయి. ‘జబర్దస్త్’ కామెడీ షోను కేవలం హైపర్ ఆది కోసం చూసేవాళ్లే చాలా ఎక్కువ. ఇక యూట్యూబ్లోనూ ఆది స్కిట్కే వ్యూస్ ఎక్కువ. మొత్తం మీద హైపర్ ఆది ‘జబర్దస్త్’ కింగ్. అందుకే తన ఇమేజ్ను ఇలానే నిలబెట్టుకోవడానికి కొత్త కొత్త ప్రయోగాలు చేస్తుంటారు ఆది. దీనిలో భాగంగా స్పూఫ్లు కూడా చేస్తున్నారు. థియేటర్లలో బాగా పేలిన క్యారెక్టర్లను తీసుకొని వాటితో కామెడీని పండిస్తున్నారు. అయితే, హైపర్ ఆది స్పూఫ్ల కోసం ఎంపిక చేసుకునే పాత్రల్లో మెగా హీరోలు చేసిన రోల్సే ఎక్కువగా ఉంటున్నాయి. దీనికి రెండు కారణాలున్నాయి. ఒకటి జడ్జి సీటులో కూర్చున్న మెగా బ్రదర్ నాగబాబు. రెండు.. మెగా హీరోలపై ఆదికి ఉన్న అభిమానం. ఇప్పటికే ‘బద్రి’, ‘మగధీర’, ‘గద్దలకొండ గణేష్’ స్ఫూఫ్లను ఆది చేసేశారు. అయితే, ఈ వారం ప్రసారమయ్యే ఎపిసోడ్లో చారిత్రాత్మక చిత్రం ‘సైరా నరసింహారెడ్డి’ పాత్రను ఆది స్పూఫ్ చేశారు. ఇదే ఇప్పుడు మెగా అభిమానులకు ఆగ్రహం తెప్పించింది. ‘సైరా’ మెగాస్టార్ చిరంజీవి డ్రీమ్ ప్రాజెక్ట్. రేనాటి సూర్యుడు ఉయ్యాలవాడ నరసింహారెడ్డి పాత్రను ఎలా అయినా వెండితెరపై ఆవిష్కరించాలని చిరంజీవి ఎంతో కష్టపడి చేశారు. తెలుగు ప్రేక్షకుల మన్ననలు అందుకున్నారు. అలాంటి గొప్ప పాత్రను కామెడీ పీస్ను చేయడం చిరంజీవి ఫ్యాన్స్కు ఆగ్రహం తెప్పించింది. దీంతో సోషల్ మీడియాలో ఆదిపై అంతెత్తున లేస్తున్నారు. Also Read: ఇకపై చిరంజీవి చేసిన గొప్ప పాత్రలను స్పూఫ్లుగా చేసి పాడుచేస్తే మర్యాదగా ఉండదంటూ హెచ్చరిస్తున్నారు. ఇకపై ఇలాంటివి మానుకోవాలని సలహా ఇస్తున్నారు. నరసింహారెడ్డి క్యారెక్టర్ను తీసుకొచ్చి దానిలో మగధీర, బాహుబలిని కలిపేసి జనాల్ని ఆది బాగా నవ్వించారు కానీ.. మెగా అభిమానులకు మాత్రం కోపం తెప్పించారు.
By October 16, 2019 at 11:21AM
No comments