priya prakash Varrior: అమ్మో.. పేర్లు బయటపెడితే సినిమాలు పోతాయ్

ఇలా కన్నుకొట్టి అలా కుర్రకారు మనసుల్ని దోచుకున్న నటి . ‘ఒరు అడార్ లవ్’ సినిమాతో ప్రేక్షకులకు చేరువైన ప్రియ ఇప్పుడు వరుస సినిమాలతో బిజీ అయిపోయారు. మరోపక్క ‘విష్ణుప్రియ’ సినిమాతో కన్నడలో అడుగుపెడుతున్నారు. ఈ సందర్భంగా ఓ మీడియా సమావేశంలో ప్రియకు ఓ ప్రశ్న ఎదురైంది. ‘కన్నడ పరిశ్రమలోకి కూడా అడుగుపెట్టేశారు. సూపర్‌స్టార్ యశ్‌తో కలిసి పనిచేయాలని అనుకుంటున్నారా?’ అని ఓ విలేకరి అడిగారు. ఇందుకు ప్రియ సమాధానమిస్తూ.. ‘నేను ఈ ప్రశ్నకు ఇంతకుముందు కూడా సమాధానమిచ్చాను. నేను ఎవ్వరి పేర్లు బయటికి చెప్పాలని అనుకోవడం లేదు. ఎందుకంటే కేవలం ఫలానా హీరోతో మాత్రమే సినిమా చేయాలని ఉందని చెబితే నా చేతిలో ఉన్న మిగతా సినిమాలు పోతాయి. నేను అందరితో కలిసి పనిచేయాలని అనుకుంటున్నాను. మీ అందరికీ మరో విషయం చెప్పాలనుకుంటున్నాను. నన్ను కేవలం వింక్ గర్ల్ అని మాత్రమే పిలవకండి. నా ఫీలింగ్స్‌ను ఎక్స్‌ప్రెస్ చేయడానికి నా కళ్లే కీలక పాత్ర పోషిస్తాయి. కన్ను కొట్టడంతో పాటు ఈ సినిమాలో విభిన్నంగా ఏదన్నా ప్రయత్నించాలని అనుకుంటున్నాను. ఈసారి నాలో ఓ మంచి నటి కూడా ఉందని నిరూపించుకుంటాను’ అని తెలిపారు. మలయాళంలో వచ్చిన ‘ఒరు అడార్ లవ్’ సినిమాలోని ‘మాణిక్య మలరయ’ పాటలో ప్రియా ప్రకాశ్ కన్ను కొట్టిన తీరు దేశవ్యాప్తంగా వైరల్‌‌గా మారింది. ఆమె కన్ను గీటిన తీరుకు ఏకంగా స్టైలిష్ స్టార్ అల్లు అర్జునే ఫిదా అయిపోయారు. ఇక ప్రేక్షకులు ఎంత. అందుకే ఆమెకు వస్తున్న పాపులారిటీని దృష్టిలో పెట్టుకుని తెలుగులో ‘లవర్స్ డే’ పేరిట సినిమాను విడుదల చేశారు. అయితే ఈ సినిమా అంతగా ప్రేక్షకులను ఆకట్టుకోలేకపోయింది. ఆ తర్వాత ఆమెకు బాలీవుడ్‌ నుంచి పిలుపు వచ్చింది. హిందీలో ‘శ్రీదేవి బంగ్లా’ అనే సినిమాలో టైటిల్ పాత్రలో నటిస్తున్నారు. ఈ సినిమా కూడా వివాదాల్లో చిక్కుకుంది. ఇప్పుడు తెలుగులో నితిన్‌కు జోడీగా ‘రంగ్‌దే’ సినిమాలో నటించనున్నారు. మరి తెలుగులోనైనా ప్రియాకు మంచి బ్రేక్ వస్తుందో లేదో వేచి చూడాలి. ఒకేసారి ఆమె తెలుగు, హిందీ, కన్నడ భాషల్లో నటిస్తూ బిజీ స్టార్ అయిపోయారు.

By September 06, 2019 at 12:32PM

Read More https://telugu.samayam.com/telugu-movies/cinema-news/malayalam-actress-priya-prakash-varrior-does-not-want-to-reveal-any-names-of-heroes-when-asked-whom-she-wants-to-work-with/articleshow/71006276.cms