KCRతో జగన్ చెలిమి, వెంకయ్య చొరవ.. ఆంధ్రాకు ‘విశిష్ట కేంద్రం’

సింహపురిలో కొలువు దీరనుంది. ఈ కేంద్రాన్ని వెంటనే మైసూరు నుంచి నెల్లూరుకు తరలించాలని NCERTని కేంద్ర మానవ వనరుల శాఖ ఆదేశించింది. సమీపంలోని కాకనూరు వద్ద దీన్ని ఏర్పాటు చేయాలని ఉత్తర్వుల్లో పేర్కొంది. నెల్లూరులోని లా కాలేజీలో ఈ కేంద్రాన్ని తాత్కాలికంగా నడిపే అవకాశం ఉందని తెలుస్తోంది. మైసూర్‌లోని సెంట్రల్‌ ఇన్‌స్టిట్యూట్‌ ఆఫ్‌ ఇండియన్‌ లాంగ్వేజెస్‌ (సీఐఐఎల్‌) కేంద్రమానవ వనరుల అభివృద్ధి మంత్రిత్వ శాఖ ఆధ్వర్యంలో పని చేస్తుంది. ఇప్పటి వరకూ సీఐఐఎల్ ప్రాంగణంలోనే ప్రాచీన తెలుగు విశిష్ట అధ్యయన కేంద్రం పని చేస్తోంది. 2008లో తెలుగుకు ప్రాచీన భాష హోదా వచ్చింది. 2011-12 నుంచి 2015-16 మధ్య తెలుగు భాష అభివృద్ధి, పరిరక్షణ కోసం కేంద్రం రూ.6.9 కోట్లు కేటాయించింది. మొత్తంగా ప్రాచీన భాష పరిరక్షణకు కేంద్రం విడతల వారీగా రూ. 100 కోట్లు కేటాయిస్తుంది. దీంతో ప్రాచీన తెలుగు విశిష్ట కేంద్రం ఏర్పాటు విషయంలో రెండు తెలుగు రాష్ట్రాలు పంతాలకు పోయాయి. ప్రాచీన ఈ కేంద్రాన్ని తమ రాష్ట్రంలోనే ఏర్పాటు చేయాలంటే, లేదు తమ దగ్గరే ఏర్పాటు ఏపీ, తెలంగాణ పోటీ పడ్డాయి. చంద్రబాబు, కేసీఆర్ సర్కారు మధ్య సఖ్యత లేకపోవడంతో.. చివరకు మైసూరులో ప్రాచీన తెలుగు విశిష్ట అధ్యయన కేంద్రం ఏర్పాటైంది. 28 నవంబర్‌ 2018లో దిగుమర్తి మునిరత్నం నాయుడు ఈ కేంద్రానికి తొలి సంచాలకులు. సెంట్రల్‌ ఇన్‌స్టిట్యూట్‌ ఆఫ్‌ ఇండియన్‌ లాంగ్వేజెస్‌ ఆఫీసులో క్లాసికల్‌ లాంగ్వేజెస్‌ అనే విభాగం ఉంది. అందులో తమిళం, కన్నడ, తెలుగు ప్రాచీన హౌదాను సంతరించుకున్న భాషలున్నాయి. తమిళులు అక్కడి నుంచి తమ కార్యాలయాన్ని ఇప్పటికే సొంత రాష్ట్రానికి తీసుకెళ్లారు. కన్నడిగులు వేరే విశ్వవిద్యాలయానికి తమ కార్యాలయాన్ని తరలించారు. వారు ఖాళీచేసిన కార్యాలయం వేదికగానే ఇప్పటి వరకూ తెలుగు కేంద్రం పని చేస్తోంది. ప్రాచీన తెలుగు విశిష్ట కేంద్రాన్ని మైసూర్ నుంచి తెలుగు రాష్ట్రాల్లో ఏదో ఒక ప్రాంతానికి తరలించాలని ఉపరాష్ట్రపతి వెంకయ్య నాయుడు ఇటీవలే కేంద్రానికి సూచించారు. వెంకయ్య సూచన పట్ల కేంద్రం సానుకూలంగా స్పందించింది. చివరకు ఆయన సొంత జిల్లా నెల్లూరులోనే ఈ కేంద్రం ఏర్పాటు కాబోతోంది.

By September 06, 2019 at 10:06AM

Read More https://telugu.samayam.com/andhra-pradesh/news/centre-for-excellence-in-classical-telugu-to-be-shifted-to-nellore-andhra-pradesh/articleshow/71003736.cms