ప్రేమ.. పెళ్లి.. ఆత్మహత్య.. నెల్లూరు యువతి విషాదాంతం

ప్రేమించి పెళ్లి చేసుకుని ఎన్నో ఆశలతో మెట్టినింట్లో అడుగుపెట్టిన ఆమెకు స్వాగతం పలికాయి. భర్తే సర్వస్వమని నమ్మి వెళ్తే కొద్దిరోజులకే అతడి నిజస్వరూపం బయటపడింది. తక్కువ కులం దానివంటూ వేధింపులకు గురిచేయడంతో పాటు కట్నం తీసుకురావాంటూ అత్తమామలు ఒత్తిడి చేయడంతో చావే శరణ్యమనుకుంది. మూడు నెలల పాటు తాను అనుభవించిన చిత్రహింసలు, అవమానాలు అందరికీ తెలిసేలా లేఖ రాసి తనువు చాలించింది. ప్రేమ పేరుతో మోసపోయిన జిల్లాకు చెందిన ఓ యువతి విషాదగాధ ఇది. Also Read: నెల్లూరు జిల్లా వెంకటాచలం మండలం వెంకటరెడ్డిపల్లె గ్రామానికి చెందిన డలాయి బాబుల్‌, సుబ్బమ్మలు వ్యవసాయం చేస్తూ జీవిస్తున్నారు. వీరికి ఇద్దరు కుమార్తెలు, ఒక కుమారుడు. రెండో అమ్మాయి హారతి (22) నెల్లూరులో బీటెక్‌ వరకు చదివి గ్రూప్స్‌ పరీక్షల శిక్షణ కోసం మూడు నెలల క్రితం హైదరాబాద్ వెళ్లింది. ఆమె ఉండే హాస్టల్ పక్కనే కడప పట్టణానికి చెందిన రామరాజు అనే యువకుడు టైలరింగ్ పనిచేసేవాడు. Also Read: దీంతో హారతి, రామరాజుకు పరిచయం ఏర్పడి అది ప్రేమకు దారితీసింది. వీరి ప్రేమకు పెద్దలు అడ్డు చెప్పడంతో ఆలయంలో పెళ్లి చేసుకుని కడప వడ్డెర కాలనీలో కాపురం పెట్టారు. కొద్దిరోజులకే అత్తమామల నుంచి హారతికి వేధింపులు మొదలయ్యాయి. తక్కువ కులం అమ్మాయి కోడలిగా వచ్చిందని, వరకట్నం తీసుకురావాలంటూ అత్తింటివారు వేధింపులకు పాల్పడేవారు. భర్త రామరాజు కూడా తరుచూ కొట్టడంతో హారతి తల్లిదండ్రుల వద్దకు వెళ్లిపోయేందుకు నిర్ణయించుకుంది. Also Read: గతవారం పుట్టింటికి వెళ్లేందుకు కడప బస్టాండ్‌కు చేరుకుంది. హారతి ప్రస్తుతం గ్రామ సచివాలయ పరీక్షలకు హాజరవుతోంది. తన సర్టిఫికెట్లన్నీ అత్తింట్లో ఉండటంతో వాటిని తిరిగివ్వమని భర్తకు ఫోన్ చేసి కోరింది. ఇంటికి వచ్చి తీసుకెళ్లమని భర్త చెప్పడంతో ఆమె అత్తింటికి వెళ్లింది. అక్కడ అత్తమామలు, భర్త.. హారతిని గదిలో నిర్బంధించారు. శుక్రవారం రాత్రి రామరాజు హారతి తల్లిదండ్రులకు ఫోన్ చేసి మీ కూతురు ఉరేసుకుని చనిపోయింది. శవాన్ని తీసుకెళ్లండని చెప్పడంతో వారు షాకయ్యారు. దీంతో ఆమె తల్లిదండ్రులు, బంధువులు శనివారం కడప రిమ్స్ పీఎస్‌కు వెళ్లి హారతిని భర్త, అత్తమామలే చిత్రహింసలు పెట్టి చంపేశారని ఫిర్యాదు చేశారు. పోలీసులు రామరాజు ఇంటికి వెళ్లి హారతి మృతదేహాన్ని పరిశీలించగా సూసైడ్ నోట్ లభించింది. దీంతో పోలీసులు రామరాజుతో పాటు అతడి తల్లిదండ్రులపై ఎస్సీ, ఎస్టీ అట్రాసిటీతో పాటు ఆత్మహత్యకు ప్రేరేపించిన సెక్షన్ కింద కేసులు నమోదు చేశారు.

By September 08, 2019 at 11:05AM

Read More https://telugu.samayam.com/latest-news/crime/nellore-young-woman-commits-suicide-after-harassment-for-dowry/articleshow/71032157.cms