ఒకే సినిమాలో పవర్ స్టార్, మెగాస్టార్‌ను చూపిస్తోన్న డైరెక్టర్!

‘ముకుంద’ సినిమాతో స్లోగా తన జర్నీ స్టార్ట్ చేసిన మెగా ప్రిన్స్ వరుణ్ తేజ్ ‘ఫిదా’తో ఫామ్‌లోకి వచ్చేసాడు. ఆ సినిమా తరువాత వచ్చిన ‘తొలిప్రేమ’తో తన స్టఫ్‌ని ప్రూవ్ చేసుకున్నాడు. మధ్యలో వచ్చిన ‘అంతరిక్షం’ షాక్ ఇచ్చినా మళ్ళీ సంక్రాంతికి ‘F2’ అంటూ వచ్చి మరొక బ్లాక్ బస్టర్ కొట్టేసాడు. ఆ ఉత్సాహంతోనే తన తిక్కతో ‘గబ్బర్ సింగ్’ని మలిచి, బాక్సాఆఫీస్ లెక్కలను మార్చి రాసిన హరీష్ శంకర్‌తో జత కట్టాడు. ప్రస్తుతం బ్యాడ్ టైంలో ఉన్న హరీష్ శంకర్ కూడా కసిగా తనకు అచ్చివచ్చిన రీమేక్ ఫార్ములాని అప్లై చేసి ‘జిగర్తాండ’ని ‘వాల్మీకి’గా మార్చాడు. పైగా ఆ సినిమాకి రెమ్యునరేషన్ కూడా లేకుండా సినిమా అమ్మకాల్లో వాటా అనే డీల్‌తో చేసాడు. దీనివల్ల ‘వాల్మీకి’పై ఇండస్ట్రీలో మంచి ఒపీనియన్ ఏర్పడింది. మరోవైపు, వరుణ్ తేజ్ గెటప్‌తో మెగాఫ్యాన్స్‌కి పూనకాలు తెప్పించే పనిని పర్ఫెక్ట్‌గా పూర్తిచేసాడు. ముందుగా వచ్చిన టీజర్‌లో వరుణ్ తేజ్‌ను పవన్ కళ్యాణ్ లుక్ అండ్ మ్యానరిజమ్స్‌కి దగ్గరిగా ఉండేలా చూపించి ఫుల్ మార్క్స్ స్కోర్ చేసాడు హరీష్. తుపాకీ పట్టుకుని కనుబొమ్మ పైకి ఎత్తి చూసే షాట్ ‘గబ్బర్ సింగ్’ను గుర్తుకు తెస్తుంది. అక్కడ అబ్బాయిలో బాబాయిని చూసుకుని మురిసిపోయారు మెగా అభిమానులు. ఇక వినాయక చవితికి రిలీజ్ చేసిన కొత్త పోస్టర్స్‌లో అయితే పాతకాలం క్లాసిక్ గెటప్‌లో కనిపిస్తున్నాడు వరుణ్. పక్క పాపిడి జుట్టుతో కళ్ళలో చిరు లానే ఫుల్ ఇంటెన్సిటీ చూపిస్తున్నాడు. ఆ లుక్‌లో ఆల్మోస్ట్ యంగ్ చిరంజీవి లానే కనిపిస్తున్నాడు, అనిపిస్తున్నాడు. ఈ రెండు లుక్స్‌తోనే మెగా ఫ్యాన్స్ అందరికీ ‘వాల్మీకి’ చూడడానికి కావాల్సిన కారణాలు దొరికేసాయి. ఇక ‘గబ్బర్ సింగ్’లోని కెవ్వు కేకలా కాకపోయినా థియేటర్ దద్దరిల్లే రేంజ్‌లో ఒక మాస్ సాంగ్ కూడా రెడీ చేసాడు దర్శకుడు. అప్పట్లో ఒక నికార్సయిన పవర్ స్టార్ అభిమానిలా ‘గబ్బర్ సింగ్’ని తెరకెక్కించి ఇండస్ట్రీలో పాత రికార్డ్స్‌కి పాతర వేసిన హరీష్ ఈసారి ‘వాల్మీకి’తో కూడా అదే ఫీట్ రిపీట్ చెయ్యాలని ట్రై చేస్తున్నాడు. తనకు తెలిసిన మాస్ మంత్రాన్నే మరింత గట్టిగా పటిస్తున్నాడు. అనుకోకుండా కథ, కథనాలు తేడా కొట్టినా కూడా సినిమా నిలబడిపోవడానికి కావాల్సిన మాసివ్ మాస్ స్టఫ్‌తో వస్తున్నాడు. ఇక సెంటిమెంట్ కోసం అనుకుంట ‘డీజే’ బ్యూటీని కూడా రంగంలోకి దింపి బికినీ బదులు లంగావోణీ వేయించాడు. ఏది ఏమైనా, ఇప్పట్లో స్క్రీన్‌పై కనిపించడు అనుకుంటున్న పవర్ స్టార్‌ని, భలే ఉన్నాడే అనిపిస్తున్న మెగా స్టార్‌ని ఒకే సినిమాలో చూపించి హిట్ పట్టెయ్యడం అనే న్యూ ఫార్ములాని ఫాలో అవుతున్నాడు హరీష్ శంకర్. ఆ ఫార్ములా ఎంతవరకు వర్క్ అవుట్ అవుతుంది అనేది ‘వాల్మీకి’ రిలీజ్ డేట్ అయిన సెప్టెంబర్ 20న తెలుస్తుంది.

By September 05, 2019 at 11:05AM

Read More https://telugu.samayam.com/telugu-movies/cinema-news/megastar-and-powerstar-in-one-movie-harish-shankar-will-show-you/articleshow/70988601.cms