అర్ధరాత్రి ఆటో ఎక్కిన మహిళపై గ్యాంగ్‌ రేప్
రాత్రివేళ ఆటో ఎక్కిన మహిళపై ఆటోడ్రైవర్‌తో పాటు మరో ఐదుగురు సామూహిక అత్యాచారానికి పాల్పడిన ఘటన జిల్లా మార్టేరులో జరిగింది. దీనిపై బాధితురాలు బుధవారం ఆచంట పోలీసులకు ఫిర్యాదు చేసింది. బాధితురాలి కథనం ప్రకారం.. ఆచంటకు చెందిన ఓ మహిళ ఉపాధి నిమిత్తం కువైట్‌కు వెళ్లే ప్రయత్నాల్లో ఉంది. ఈ నేఫథ్యంలో ఏజెంట్ వద్ద విమాన టిక్కెట్ కోసం బుధవారం సాయంత్రం వెళ్లింది. అక్కడ పని పూర్తయ్యేసరికి రాత్రి కావడంతో ఇంటికి వెళ్లేందుకు మార్టూరులో ఆటో ఎక్కింది. కొద్దిదూరం వెళ్లిన తర్వాత ఆటోలో మరో ఆరుగురు ఎక్కారు. ఆటోలో ఒంటరిగా ఉన్న ఆమెపై వారి కన్ను పడింది. దీంతో ఆమెను బెదిరించి నోట్లో గుడ్డలు కుక్కి ఓ నిర్మానుష్య ప్రాంతానికి ఎత్తుకెళ్లారు. ఒకరి తర్వాత ఒకరు అత్యాచారానికి పాల్పడ్డారు. ఆమె వద్దనున్న రూ.10వేల నగదు, ఏటీఎం కార్డు, విమానం టిక్కెట్ తీసుకుని వెళ్లిపోయారు. తర్వాత బాధితురాలు నేరుగా ఆచంట పోలీస్‌స్టేషన్‌కు వెళ్లి ఫిర్యాదు చేసింది. అత్యాచారానికి గురైన తాను పాలకొల్లు ప్రభుత్వాసుపత్రికి వెళ్లగా చికిత్స చేసేందుకు నిరాకరించారని బాధితురాలు పోలీసులకు తెలిపింది. ఈ ఘటనపై 5సెక్షన్ల కింద కేసులు నమోదు చేసిన పోలీసులు దర్యాప్తు చేస్తున్నారు. బాధితురాలు చెప్పినట్లుగా ఆటోలో ఎక్కిన ఐదుగురు వ్యక్తులు అత్యాచారం చేస్తే ఆటోడ్రైవర్ ఏమయ్యాడన్న అనుమానం పోలీసులకు కలుగుతోంది. దీనిపై సమగ్ర దర్యాప్తు చేస్తున్నామని ఆచంట పోలీసులు చెబుతున్నారు.
By September 12, 2019 at 08:40AM
No comments