Jammu Kashmir: ఆర్టికల్ 370.. పటేల్ జోక్యం ఎంత? ఆయన్ను నెహ్రూ ఏం రిక్వెస్ట్ చేశారు

ప్రభుత్వం అమర్‌నాథ్ యాత్రను అర్ధంతరంగా ముగించింది. యాత్రికులను, పర్యాటకులను వెనక్కి పంపిస్తోంది. శ్రీనగర్ ఎన్‌ఐటీలో చదువుకుంటున్న విద్యార్థులను సైతం వెనక్కి పంపుతోంది. 38 వేల అదనపు బలగాలను కశ్మీర్లో మోహరిస్తోంది. పాకిస్థాన్ ఉగ్రవాదులు భారీ దాడికి కుట్ర పన్నారని, అందుకే ఈ నిర్ణయమని చెబుతోంది. కానీ సగటు కశ్మీరీ మాత్రం ఏదో జరుగుతోందని అనుమానిస్తున్నాడు. , ఆర్టికల్ 35ఏలను రద్దు చేస్తారేమో అనే అనుమానాలు వ్యక్తం అవుతున్నాయి. కానీ జమ్మూ కశ్మీర్ గవర్నర్ మాత్రం అలాంటిదేం లేదని నేషనల్ కాన్ఫరెన్స్ నేత ఒమర్ అబ్దుల్లాతో స్పష్టం చేశారు. కాశ్మీర్లో భారీ సంఖ్యలో సైన్యాన్ని మోహరిస్తున్న నేపథ్యంలో.. ఆర్టికల్ 370, ఆర్టికల్ 35ఏ మరోసారి చర్చనీయాంశం అయ్యాయి. దేశానికి స్వాతంత్య్రం వచ్చాక మిగిలిని సంస్థానాలన్నీ దేశంలో విలీనం అయ్యాయి. కానీ కశ్మీర్ మహారాజు మాత్రం విలీనానికి అంగీకరించలేదు. తర్వాత పాకిస్థాన్ నుంచి ముప్పు తప్పదని అర్థమయ్యాకే.. షరతుల మీద కశ్మీర్‌ను భారత్‌లో విలీనం చేయడానికి ఒప్పుకొన్నారు. 1947 చివర్లో నాటి ప్రధాని నెహ్రూ, కశ్మీర్ ప్రధాని షేక్ అబ్దుల్లా కలిసి ఐదు నెలలపాటు చర్చించి ఆర్టికల్ 370ని రూపొందించారు. కశ్మీర్‌లో మూడోవంతు భూభాగాన్ని పాకిస్థాన్ ఆక్రమించడంతో.. ఈ సమస్యను ఐక్యరాజ్య సమితి దృష్టికి తీసుకెళ్లాలని నెహ్రూకు గవర్నర్ జనరల్ మౌంట్ బాటెన్ సూచించాడు. అదే సమయంలో నెహ్రూకు సన్నిహితుడైన షేక్ అబ్దుల్లా కశ్మీర్‌కు ప్రత్యేక మోదా ఇవ్వాలని కోరాడు. కశ్మీర్లో ప్రజాభిప్రాయ సేకరణ జరపాలన్నాడు. జమ్మూ కశ్మీర్ అసెంబ్లీ సమ్మతితోనే ఆర్టికల్ 370లో మార్పులు చేయొచ్చనే నిబంధన విధించారు. ఆర్టికల్ 370ని తాత్కాలిక ప్రొవిజన్‌గానే రూపొందించామని నెహ్రూ తెలిపారు. తాము భారత యూనియన్లో చేరుతున్నట్టు రూపొందించిన ప్రతిపాదనకు జమ్మూ కశ్మీర్ అసెంబ్లీ 1956లో ఆమోదం తెలిపింది. సర్దార్ వల్లభభాయ్ పటేల్ దేశానికి తొలి హోం మంత్రిగా పని చేశారు. దేశంలో సంస్థానాల విలీనంలో ఆయన కీలక పాత్ర పోషించారు. కానీ నెహ్రూ మాత్రం తనకెంతో ఇష్టమైన కశ్మీర్ విషయంలో పటేల్‌ను జోక్యం చేసుకోనీయలేదు. ఆర్టికల్ 370కి షేక్ అబ్దుల్లా, నెహ్రూ తుది మెరుగులు దిద్దాక.. ఏ శాఖా బాధ్యతలు కట్టబెట్టని మంత్రి గోపాలస్వామి అయ్యంగార్‌కు కశ్మీర్ పొర్టుఫోలియోను అప్పగించారు. మహారాజా హరి సింగ్ దగ్గర ఆరేళ్లు ప్రధానిగా పని చేసిన గోపాలస్వామి అయ్యంగార్‌కు కశ్మీర్ వ్యవహారాల్లో మంచి పట్టుండేది. ఆయనే ఆర్టికల్ 370ను రాజ్యాంగ సభ ముందు ఉంచారు. హోం మంత్రి పటేల్‌ ఈ వ్యవహారంలో జోక్యం చేసుకోలేదు. సర్దార్ రాజీనామాతో వ్యవహారం గాంధీ దగ్గరకు వెళ్లింది. పటేల్ పర్సనల్ సెక్రటరీ వి.శంకర్ ఐఏఎస్.. అప్పుడేం జరిగిందనే విషయాలను రికార్డు మెయింటెయిన్ చేశారు. దాని ప్రకారం నెహ్రూ ఆర్టికల్ 370ని నెహ్రూ, షేక్ అబ్దుల్లా రూపొందించారు. పటేల్‌కు కనీసం సమాచారం ఇవ్వలేదు. తర్వాత రాజ్యాంగ సభలో ముసాయిదా ఆమోదం పొందేలా చూసే బాధ్యతలను గోపాలస్వామి అయ్యంగార్‌కు అప్పగించారు. కానీ రాజ్యాంగ సభ, కాంగ్రెస్ ప్రతినిధులు ఈ ముసాయిదాకు ఆమోదం తెలపలేదు. Also Read: దీంతో ఆ సమయంలో విదేశాల్లో ఉన్న ప్రధాని నెహ్రూ ఆర్టికల్ 370కి లైన్ క్లియర్ అయ్యేలా చూడాలని పటేల్‌కు ఫోన్ చేసి రిక్వెస్ట్ చేశారు. ప్రధాని కోరడంతో పటేల్ కాదనలేకపోయారు. రాజ్యంగ సభ, కాంగ్రెస్ ప్రతినిధులను పటేల్ ఒప్పించారు. అంతకు ముందు ఆర్టికల్ 370 విషయంలో అనేక అభ్యంతరాలు లేవనెత్తినప్పటికీ.. అంతర్జాతీయ పరిస్థితుల దృష్ట్యా, పటేల్ మాటను కాదనలేక ఆమోదం తెలిపారు. అలా ఆర్టికల్ 370 విషయంలో పటేల్ జోక్యం చేసుకున్నారు. జమ్మూ కశ్మీర్‌కు స్వయంప్రతిపత్తి అనేది తాత్కాలిక ఏర్పాటే అని పేర్కొన్నప్పటికీ.. అది శాశ్వతమై కూర్చుంది.

By August 03, 2019 at 05:31PM

Read More https://telugu.samayam.com/latest-news/india-news/who-is-the-architect-of-article-370-sardar-vallabhbhai-patel-or-jawaharlal-nehru/articleshow/70512106.cms