విద్యార్థినితో అసభ్య ప్రవర్తన.. టీచర్‌ను గేటుకు కట్టేసిన గ్రామస్తులు

విద్యార్థులకు పాఠాలు నేర్పించి ఉన్నతంగా తీర్చిద్దాల్సిన ఉపాధ్యాయుడే వక్రబుద్ధి పట్టాడు. తన విద్యార్థినినే చెరబట్టాలని చూసి గ్రామస్తులకు చిక్కాడు. ఈ ఘటన జిల్లాలో చోటుచేసుకుంది. ఒడిశాలోని మల్కాన్‌గిరి జిల్లా కతామేట పంచాయతీలోని ఓ పాఠశాలలో బలిమెలకు చెందిన విద్యార్థిని ఆరో తరగతి చదువుతోంది. అందులో పనిచేసే అశిమ్‌కుమార దెవురి అనే ఉపాధ్యాయుడు ఆమెపై కన్నేశాడు. తరగతి గదిలోనే ఎక్కడెక్కడో చేతులు చేస్తూ అసభ్యంగా ప్రవర్తించేవాడు. తెలిసీతెలియని వయస్సులో ఉన్న ఆ అమ్మాయి టీచరే కదా అని ఊరుకుంది. అయితే ఈ నెల 23న ఆ విద్యార్థినిని తన ఇంటికి పిలిచాడు. Also Read: ఆమె ఇంట్లోకి రాగానే తలుపులు, కిటికీలు మూసేసి అసభ్యంగా ప్రవర్తించాడు. జననాంగాల వద్ద చేతులు వేశాడు. తాను ఎప్పుడు పిలిస్తే అప్పుడు రావాలని, ఈ విషయం ఎవరికైనా చెబితే చంపేస్తానని బెదిరించాడు. ఆ మరుసటి రోజే బాలిక పాఠశాల వెనుక మోటార్ స్విచ్ వేసేందుకు వెళ్తే అక్కడ చేయి పట్టుకున్నాడు. దీంతో భయపడిపోయిన బాధితురాలు అతడి బారి నుంచి తప్పించుకుని తన ఫ్రెండ్స్‌తో పాటు ఇతర ఉపాధ్యాయులకు విషయం చెప్పింది. Also Read: ఈ ఘటన గురించి కొందరు విద్యార్థులు తమ ఇళ్లల్లో చెప్పడంతో ఆదివారం గ్రామమంతా తెలిసిపోయింది. దీంతో ఆ కీచక ఉపాధ్యాయుడి కోసం కాపుకాచి ఉన్న గ్రామస్థులు అతడు సోమవారం స్కూల్‌కి రాగానే పట్టుకుని దేహశద్ధి చేశారు. స్కూల్ మూసేవరకు గేటుకు కట్టేశారు. విద్యార్థినులపై ఎవరైనా లైంగిక వేధింపులకు పాల్పడితే ఇదేరకంగా శిక్ష వేస్తామని గ్రామస్తులు హెచ్చరిస్తున్నారు. Also Read:

By August 27, 2019 at 08:05AM

Read More https://telugu.samayam.com/latest-news/crime/odisha-minor-girl-sexually-harassed-by-school-teacher-in-malkangiri-district/articleshow/70851280.cms