జనావాసంలోకి వచ్చిన గున్న ఏనుగు కరెంట్ షాక్‌తో మృతి
అడవిని వదిలి జన సంచారంలోకి వచ్చిన ఏనుగుల మందలో ఓ గున్న ఏనుగు ప్రమాదవశాత్తూ మృతిచెందిన ఘటన జిల్లాలో చోటుచేసుకుంది. మున్సిపాలిటీ పరిధిలోని గొబ్బిళ్లకోటూరు గ్రామ సమీపంలోకి శనివారం రాత్రి ఏనుగుల గుంపు వచ్చింది. చీకటిలో పంట పొలాల మధ్య కాసేపు తిరిగిన గుంపు ఆదివారం తెల్లవారుజాము అడవిలోకి తిరుగు పయమనమైంది. ఈ క్రమంలోనే సుబ్రమణ్యం అనే రైతు పొలానికి సమీపంలో వెళ్తుండగా మందలోని ఓ గున్న ఏనుగు తన తొండంతో ట్రాన్స్‌ఫార్మర్‌ను లాగింది. దీంతో కరెంట్ షాక్ కొట్టి అక్కడికక్కడే ప్రాణాలు కోల్పోయింది. ఏనుగు కేకలు విన్న స్థానికుల ఏం జరిగిందోనని అక్కడి చేరుకోగా ఏనుగు పిల్ల చనిపోయి కనిపించింది. మిగిలిన ఏనుగులు దాని మృతదేహాన్ని అక్కడే వదిలి వెళ్లిపోయాయి. ఈ ఘటనపై స్థానికులు చిత్తూరు డీఎఫ్‌వో సునీల్‌కుమార్ రెడ్డకి సమాచారమిచ్చారు. ఆయన తన సిబ్బందితో అక్కడికి చేరుకుని గున్న ఏనుగు మృతదేహాన్ని స్వాధీనం చేసుకున్నారు. తిరుపతి ఎస్వీ జూ వెటర్నరీ డాక్టర్ తొయిబా సింగ్ ఏనుగు కళేబరానికి పోస్టుమార్టం నిర్వహించారు. మృతిచెందిన గున్నఏనుగును చుట్టుప్రక్కల గ్రామాల ప్రజలు భారీగా తరలివచ్చారు.
By July 22, 2019 at 11:30AM
No comments