శిక్ష అనుభవించకుండానే పోయాడు.. అదే బాధగా ఉంది: జీవజ్యోతి

తన భర్త శాంతకుమార్‌ను దారుణంగా హత్యచేసిన ఒక్కరోజు కూడా జైలు జీవితం గడపకుండానే చనిపోవడం ఎంతో బాధ కలిగించిందని ఆవేదన వ్యక్తం చేశారు. చిన్న వయస్సులోనే భర్తను కోల్పోయిన తాను ఎంతో మానసివ వేదన అనుభవించానని, కేసు వెనక్కి తీసుకోవాలని ఎన్ని బెదిరింపులు వచ్చినా ధైర్యంగా ఎదుర్కొని సుప్రీంకోర్టులో విజయం సాధించానని చెప్పారు. జీవజ్యోతి హత్యకేసులో జీవితఖైదు పడిన రాజగోపాల్ రెండ్రోజుల క్రితం గుండెపోటుతో ప్రాణాలు కోల్పోయిన సంగతి తెలిసిందే. ఓ జ్యోతిష్యుడి సలహా మేరకు తనవద్ద పనిచేసే ఉద్యోగి కుమార్తె అయిన జీవజ్యోతిని రాజగోపాల్ మూడో పెళ్లి చేసుకోవాలనుకున్నారు. అయితే అప్పటికే ప్రిన్స్ శాంతకుమార్ అనే వ్యక్తి ప్రేమలో ఉన్న జీవజ్యోతి ఆయన ప్రతిపాదనను తిరస్కరించి ప్రియుడినే పెళ్లి చేసుకుంది. దీన్ని తట్టుకోలేకపోయిన రాజగోపాల్ జీవజ్యోతి భర్తను కిరాయి గూండాలతో దారుణంగా హత్య చేయించారు. తన భర్తను హత్యచేసింది రాజగోపాలేనని ఫిర్యాదు చేసిన జీవజ్యోతి ఆయనకు జీవితఖైదు పడేలా చేసింది. తన న్యాయమైన పోరాటానికి మద్దతుగా రాజగోపాల్‌కు జీవిత ఖైదును ఖరారు చేస్తూ తీర్పు ఇచ్చిన రోజును తన జీవితంలో ఎప్పటికీ మరిచిపోలేనని జీవజ్యోతి చెప్పారు. Also Read: అయితే చేసిన పాపానికి శిక్ష అనుభవించకుండానే రాజగోపాల్ చనిపోవడం తనకు ఆవేదన కలిగిస్తోందని జీవజ్యోతి అంటున్నారు. శాంతకుమార్ తానూ ప్రాణానికి ప్రాణంగా ప్రేమించుకుని వివాహ బంధంతో ఒక్కటయ్యామని, అయితే రాజగోపాల్ దురాశకు తన జీవితం బలైందని కన్నీరుమున్నీరవుతున్నారు.

By July 20, 2019 at 11:05AM

Read More https://telugu.samayam.com/latest-news/crime/jeevajothi-cannot-accept-that-rajagopal-died-without-spending-prison/articleshow/70302857.cms