జగన్ గారూ.. వాళ్ల ప్రాణాలు కాపాడండి: ఎంపీ కేశినేని ట్వీట్
రాజకీయ నేతల్ని టార్గెట్ చేయడం మాత్రమే కాదు.. ప్రజా సమస్యలపైనా సోషల్ మీడియాలో స్పందిస్తున్నారు విజయవాడ ఎంపీ . ఇటీవలే ఓ రోడ్డు ధ్వంసమయ్యిందని.. వాహనదారులు ఇబ్బంది పడుతున్నారంటూ ముఖ్యమంత్రి జగన్ దృష్టికి తీసుకెళ్లారు. తాజాగా మరో కీలకమైన విషయాన్ని ముఖ్యమంత్రితో పాటూ డీజీపీ గౌతమ్ సవాంగ్‌కు చెప్పే ప్రయత్నం చేశారు. ఏపీలో సంచలనంగా మారిన రాకెట్‌పై కేశినేని నాని ట్వీట్ చేశారు. ‘డీజీపీ గారూ కాల్‌మనీ మాఫియా వల్ల ప్రజలు పడే ఇబ్బందులు ఈ రాష్ట్రంలో అందరికంటే ఎక్కువ మీకే తెలుసు.. కాల్‌మనీ మాఫియా బారిన పేద ప్రజలు పడకుండా కాపాడండి సార్’అంటూ.. ముఖ్యమంత్రి జగన్‌ను కూడా ట్వీట్‌కు ట్యాగ్ చేశారు విజయవాడ ఎంపీ. విజయవాడతో పాటూ కృష్ణా జిల్లాలో ఈ కాల్‌మనీ వ్యవహారం సంచలనం రేపింది. రాజకీయ పార్టీల నేతలపై కూడా ఆరోపణలు వచ్చాయి. కేశినేని నాని ఈ మధ్యే సొంత పార్టీకి చెందిన నేతపైనా ఆరోపణలు చేశారు. తాజాగా మళ్లీ ఈ వ్యవహారంపై ఆయన ట్వీట్ చేయడం టీడీపీలోనూ చర్చనీయాంశంగా మారింది. మరోసారి ఆ నేతను నాని టార్గెట్ చేశారా అనే ప్రశ్నలు వినిపిస్తున్నాయి.
By July 22, 2019 at 11:48AM
No comments