ప్రత్యేక హోదా, ఆర్థిక సాయంపై ఎంపీలకు జగన్ కీలక సూచనలు!
కేంద్ర బడ్జెట్లో ఏపీకి ఎలాంటి ప్రత్యేక కేటాయింపులు లేకపోవడంతో తీవ్ర నిరసన వ్యక్తమవుతోంది. మరోసారి మోదీ సర్కారు ఏపీకి అన్యాయం చేసిందని విమర్శలు గుప్పిస్తున్నారు. అలాగే, అధికార వైసీపీ, ప్రతిపక్ష టీడీపీ మధ్య దీనిపై మాటల యుద్ధం సాగుతోంది. ఈ నేపథ్యంలో ఆంధ్రప్రదేశ్కు కేంద్ర నుంచి రావాల్సిన నిధులపై మళ్లీ మళ్లీ అడగాలని అధికార వైసీపీ నిర్ణయించినట్టు విశ్వసనీయ వర్గాలు తెలిపాయి. పార్లమెంట్, అసెంబ్లీ బడ్జెట్ సమావేశాల్లో ఎలా వ్యవహరించాలనే అంశంపై వైసీపీ ముఖ్యనేతలతో క్యాంపు కార్యాలయంలో సీఎం జగన్మోహన్ రెడ్డి శనివారం సమావేశమయ్యారు. ఈ భేటీలో వైసీపీ లోక్సభాపక్షనేత మిథున్రెడ్డి, రాష్ట్ర ప్రభుత్వ చీఫ్విప్ గడికోట శ్రీకాంత్రెడ్డి, ప్రభుత్వ సలహాదారులు సజ్జల రామకృష్ణారెడ్డి, జీవీడీ కృష్ణమోహన్ తదితరులు పాల్గొన్నారు. కేంద్రం ప్రవేశపెట్టిన బడ్జెట్లో రాష్ట్రానికి ఎలాంటి ప్రయోజనాలు కలగలేదన్న అంశం ఈ సందర్భంగా చర్చకు వచ్చినట్లు తెలిసింది. ఈ విషయంపై కేంద్రాన్ని పదే పదే కోరాలని, పార్లమెంట్లోనూ ఇదే విధానంతో ముందుకెళ్లాలని ఎంపీలకు సూచించాలని సమావేశంలో నిర్ణయించినట్టు సమాచారం. అలాగే, త్వరలో జరగనున్న అసెంబ్లీ బడ్జెట్ సమావేశాల్లోనూ వైసీపీ ఎమ్మెల్యేలంతా సమన్వయంతో వ్యవహరించాలని సూచించారు. సభలో పార్టీ వ్యూహాన్ని పక్కాగా అనుసరించాలని సీఎం నిర్ణయించారు. పది మంది చొప్పున ఎమ్మెల్యేలను సమన్వయం చేసి, పార్టీ వ్యూహాలను వివరించేందుకు సమన్వయకర్తను నియమించాలని సీఎం సూచించినట్లు తెలిసింది. ఇదే సమయంలో తమ సమస్యలు పరిష్కరించాలని కోరుతూ వివిధ జిల్లాల నుంచి ఉద్యోగులు తాడేపల్లిలోని సీఎం క్యాంపు ఆఫీసుకు తరలివచ్చారు. కొందరు రెండు రోజులుగా ఇక్కడే ఉంటూ సీఎంకి వినతిపత్రాలు అందజేయడానికి ఎదురు చూస్తున్నారు. చిత్తూరు జిల్లా అక్కంబొట్ల కండ్రిగ, మరాఠిపురం, చింతలపాలెం నుంచి వచ్చిన ప్రజలు తమ భూములను పరిరక్షించాలంటూ ఆందోళన చేపట్టారు. ఆయా గ్రామాల నుంచి వచ్చిన వారిలో ఒకరు జగన్ను లిసి తమ సమస్య వివరించారు. దీనిపై స్పందించిన సీఎం.. జిల్లా కలెక్టర్తో మాట్లాడి ఆయనను కలవాలని సూచించారు. కలెక్టర్ సమస్యను పరిష్కరించకపోతే ప్రజాదర్బార్కు హాజరుకావాలని సీఎం సూచించినట్టు వారు తెలిపారు.
By July 07, 2019 at 10:18AM
No comments