57ఏళ్ల వయస్సులో వికృత చేష్టలు.. చాక్లెట్ ఆశచూపి బాలికలపై లైంగిక వేధింపులు
దేశవ్యాప్తంగా లైంగిక వేధింపుల ఘటనలు పెరిగిపోతున్నాయి. చిన్నారుల నుంచి వృద్ధుల వరకు వయసుతో సంబంధం లేకుండా అఘాయిత్యాలకు గురవుతూనే ఉన్నారు. తాజాగా కేరళలో బయటపడిన ఉదంతం తెలిస్తే అమ్మాయిలను షాపులకు పంపాలంటేనే తల్లిదండ్రులకు వణుకు పుడుతుంది. కేరళలోని పాలక్కాడ్ జిల్లాలోని త్రితాలా గ్రామంలో కృష్ణన్(57) అనే వ్యక్తి ప్రైమరీ స్కూల్ సమీపంలో తినుబండారాల షాపు నడుపుతున్నాడు. పాఠశాల విరామ సమయంలో అతడి షాపు విద్యార్థులతో కళకళలాడుతుంటుంది. చాలామంది చిన్నారులు ముద్దముద్దు మాటలతో తమకు కావాల్సిన తినుబండారాలను కొనుక్కుని వెళ్తుంటారు. వారికి తాత వయస్సులో ఉన్న కృష్ణన్ వారిపై కన్నేశాడు. తన షాపుకు ఒంటరిగా వచ్చే బాలికలను లైంగికంగా వేధించేవాడు. కొందరిని షాపు లోనికి తీసుకెళ్లి నగ్నంగా చేసి పైశాచికానందం పొందేవాడు. ఈ విషయాన్ని ఎవరికీ చెప్పొద్దని బెదిరించేవాడు. గురువారం ఓ బాలికను ఇదే విధంగా వేధించగా ఆమె భయపడి స్కూల్ టీచర్స్కి చెప్పింది. దీనిపై ఉపాధ్యాయులు ఆరా తీయగా చాలామంది బాలికలు తాముకూడా లైంగిక వేధింపులకు గురైనట్లు చెప్పి బోరుమన్నారు. ఈ విధంగా 59మంది బాలికలపై కృష్ణన్ లైంగిక వేధింపులకు పాల్పడినట్లు పాఠశాల ఉపాధ్యాయులు గుర్తించారు. దీంతో పాఠశాల యాజమాన్యం, బాధితుల తల్లిదండ్రులు పోలీసులకు ఫిర్యాదు చేశారు. ఈ విషయం తెలుసుకున్న కృష్ణన్ షాప్కు తాళం వేసేసి ఊరు వదిలి వెళ్లిపోయాడు. ఈ ఘటనపై కేసు నమోదు చేసుకున్న పోలీసులు నిందితుడి కోసం గాలిస్తున్నారు. ఏకంగా 59 మంది బాలికలపై లైంగిక వేధింపులకు పాల్పడిన ఘటన కేరళలో కలకలం రేపింది.
By July 17, 2019 at 08:40AM
No comments