హైదరాబాద్‌లో మరో దారుణం.. సినిమా చూపిస్తానని 11ఏళ్ల బాలికపై రేప్
హైదరాబాద్‌ నగరంలో కామాంధులు రెచ్చిపోతున్నారు. భాగ్యనగరంలో బాలికల భద్రత ప్రశ్నార్ధకమయ్యేలా నిత్యం ఏదొక చోట అఘాయిత్యాలు జరుగుతూనే ఉన్నాయి. సినిమా చూపిస్తామని నమ్మించి ఇద్దరి బాలికలను తీసుకెళ్లిన ఇద్దరు యువకులు ఓ బాలికపై అత్యాచారానికి పాల్పడ్డారు. బాధితురాలితో పాటు వచ్చిన మరో బాలిక కేకలు వేయడంతో స్థానిక యువకులు కొందరు స్పందించి వారిని రక్షించి కామాంధులను పోలీసులకు అప్పటించారు. సైదాబాద్‌ పోలీస్‌‌స్టేషన్ పరిధిలో జరిగిన ఈ ఘటన వివరాలిలా ఉన్నాయి. హైదరాబాద్‌ ఐఎస్‌ సదన్‌ డివిజన్‌ పరిధిలోని ఓ బస్తీకి చెందిన బాలిక(11) తండ్రి కొద్దినెలల క్రితం మరణించగా, తల్లి మద్యానికి బానిసైంది. దీంతో బంధువులు బాలికను ప్రభుత్వ హాస్టల్‌లో చేర్చి చదివిస్తున్నారు. శనివారం పెద్దమ్మ ఇంటికి వచ్చిన బాలిక స్థానికంగా ఉంటే బాలిక(8)తో ఇంటి బయట ఆడుకుంటోంది. అదే ప్రాంతంలో నివసించే ఇస్లావత్ దస్రు కన్ను బాలికలపై పడింది. తనతో వస్తే సినిమా చూపిస్తానని చెప్పి తన ఫ్రెండ్ మోతీలాల్‌తో కలిసి బైక్‌పై బాలికలను ఓ థియేటర్‌కు తీసుకెళ్లాడు. సినిమా ప్రారంభమయ్యేందుకు ఇంకా సమయం ఉందని చెప్పి బాలికలను సమీపంలో నిర్మాణంలో ఉన్న భవనంలోకి తీసుకెళ్లారు. అక్కడ ఇస్లావత్ 11ఏళ్ల బాలికను బెదిరించి అత్యాచారానికి పాల్పడ్డాడు. తర్వాత మోతీలాల్ కూడా రేప్ చేసేందుకు యత్నించగా పక్కనున్న 8ఏళ్ల బాలిక గట్టిగా కేకలు వేసింది. దీంతో స్థానికంగా ఉండే యువకులు వెంటనే స్పందించి భవనంలోకి వచ్చి బాలికలను రక్షించారు. కామాంధులకు దేహశుద్ధి చేసి పోలీసులకు అప్పగించారు. పోలీసులు వారిని అరెస్ట్ చేసి రిమాండ్‌కు తరలించారు. బాధిత బాలికలను వైద్య పరీక్షల నిమిత్తం ఆస్పత్రికి తరలించారు.
By July 22, 2019 at 08:06AM
No comments