Breaking News

Vijay Deverakonda : ‘లైగర్’ షూటింగ్ అప్ డేట్ ఇచ్చిన ఛార్మి.. రిలీజ్ డేట్‌పై క్లారిటీ!


రౌడీ స్టార్ విజ‌య్ దేవ‌ర‌కొండ లేటెస్ట్ మూవీ ‘లైగ‌ర్‌’. హీరోల ఇమేజ్‌ను స‌రికొత్త కోణంలో ఆవిష్క‌రించే డైరెక్ట‌ర్ పూరీ జ‌గ‌న్నాథ్ తెర‌కెక్కిస్తోన్న చిత్ర‌మిది. ఆయ‌న డైరెక్ట‌ర్ చేయ‌డంతో పాటు ఛార్మితో క‌లిసి ఈ సినిమాను నిర్మిస్తున్నారు. అలాగే బాలీవుడ్‌కి చెందిన ప్ర‌ముఖ ద‌ర్శ‌క నిర్మాత క‌ర‌ణ్ జోహార్, అపూర్వ మెహ‌తా ఈ సినిమా నిర్మాణంలో భాగ‌స్వామి. పాన్ ఇండియా మూవీగా లైగ‌ర్ సంద‌డి చేయ‌డానికి సిద్ధ‌మ‌వుతుంది. సినిమా చిత్రీక‌ర‌ణ తుది ద‌శ‌కు చేరుకుంటోంది. సినిమా ఫైన‌ల్ స్టేజ్ షూటింగ్‌ను శుక్ర‌వారం ముంబైలో ప్రారంభించారు. ఈ విష‌యాన్ని నిర్మాత‌ల్లో ఒక‌రైన ఛార్మి కౌర్ తెలియ‌జేస్తూ ట్వీట్ చేశారు. సెట్స్ ఫొటోను షేర్ చేసిన ఆమె లైగ‌ర్ తుది ద‌శ చిత్రీక‌ర‌ణ జ‌రుగుతోంద‌ని తెలిపారు. విజ‌య్ దేవ‌ర‌కొండ స‌హా ఇత‌ర ప్ర‌ధాన తారాగ‌ణం ఈ షెడ్యూల్‌లో పాల్గొంటున్నారు. ఇది వ‌ర‌కు ప్ర‌స్తావించిన‌ట్లు హీరోల‌ను స‌రికొత్త కోణంలో ప్రెజంట్ చేసే డైరెక్ట‌ర్ పూరి.. విజ‌య్ దేవ‌ర‌కొండ‌ను కూడా స‌రికొత్త లుక్‌లో చూపిస్తున్నారు. విజ‌య్ దేవ‌ర‌కొండ లుక్‌కు సంబంధించిన ప్రోమో విడుద‌లైతే చాలా మంచి రెస్పాన్స్ వ‌చ్చింది. బాక్సింగ్ లెజెండ్ మైక్ టైస‌న్ ఇందులో కీల‌క పాత్ర‌లో న‌టిస్తోన్న సంగ‌తి తెలిసిందే. ఇంత‌కు ముందు షెడ్యూల్‌లో ఆయ‌న‌పై కీల‌క స‌న్నివేశాల‌ను చిత్రీక‌రించారు. ఆ ఫొటోలు కూడా నెట్టింట వైర‌ల్ అయ్యాయి. బాలీవుడ్ హీరోయిన్ అన‌న్య పాండే ఇందులో విజ‌య్ దేవ‌ర‌కొండ‌తో జ‌త క‌డుతుంది. థాయ్‌లాండ్‌కి చెందిన కెచా ఈ సినిమాకు యాక్ష‌న్ డైరెక్ట‌ర్‌గా వ‌ర్క్ చేస్తున్నారు. ఈ షెడ్యూల్ చిత్రీక‌ర‌ణ ముగియ‌గానే సినిమాకు సంబంధించిన పోస్ట్ ప్రొడ‌క్ష‌న్ కార్య‌క్ర‌మాల‌ను స్టార్ట్ చేసిన పూర్తి చేస్తారు. ఇది వ‌ర‌కు ప్ర‌క‌టించిన‌ట్లే లైగ‌ర్‌ను ఈ ఏడాది ఆగ‌స్ట్ 25న విడుద‌ల చేస్తున్నామ‌ని మ‌రోసారి ఛార్మి.. రిలీజ్ డేట్ విష‌యంలో క్లారిటీ ఇచ్చేశారు. నిజానికి ఇప్పుడు ముంబైలో జ‌రుగుతున్న లైగ‌ర్ ఫైన‌ల్ షెడ్యూల్ ఎప్పుడో పూర్తి కావాల్సింది. కానీ.. క‌రోనా థ‌ర్డ్ వేవ ప్ర‌భావం ఎక్కువ‌గా ఉండ‌టంతో షూటింగ్‌ను ఆపేశారు. ఆ పెండింగ్ పార్ట్‌నే ఇప్పుడు చిత్రీక‌రిస్తున్నారు. విజ‌య్ దేవ‌ర‌కొండ‌, పూరీ జ‌గ‌న్నాథ్.. వంటి క్రేజీ కాంబినేష‌న్‌లో మూవీ అంటే మంచి క్రేజ్ ఉంది. ఈ సినిమా త‌ర్వాత వీరిద్ద‌రి కాంబినేష‌న్‌లో మ‌రో పాన్ ఇండియా మూవీ కూడా తెర‌కెక్క‌నుంద‌ని వార్త‌లు నెట్టింట హ‌ల్ చ‌ల్ చేస్తున్నాయి.


By February 04, 2022 at 11:15AM


Read More https://telugu.samayam.com/telugu-movies/cinema-news/vijay-deverakonda-liger-final-leg-of-shooting-started-in-mumbai/articleshow/89339186.cms

No comments