Shakuntalam First Look : సమంత ‘శాకుంతలం’ ఫస్ట్ లుక్ వచ్చేసింది... !
యూ ట‌ర్న్‌, ఓ బేబి వంటి స‌క్సెస్‌ఫుల్ చిత్రాల‌తో లేడీ ఓరియెంటెడ్ చిత్రాల‌కు కేరాఫ్‌గా మారిన స్టార్ హీరోయిన్ సమంత ప్ర‌ధాన పాత్ర‌లో క్రియేటివ్ డైరెక్ట‌ర్ గుణ శేఖర్ రూపొందిస్తోన్న విజువ‌ల్ వండర్ ‘శాకుంతలం’. పురాణాల్లో దుష్యంతుడు, శ‌కుంత‌ల మ‌ధ్య ప్రేమ..శాప‌వ‌శాత్తు వారు విడిపోవ‌డం, మ‌ళ్లీ క‌లుసుకోవ‌డం వంటి అంశాల‌తో ఈ సినిమాను అంద‌మైన ప్రేమ‌క‌థ‌గా ఆవిష్క‌రిస్తున్నారు గుణ‌శేఖ‌ర్ అండ్ టీమ్. పాన్ ఇండియా మూవీగా తెలుగు, హిందీ, క‌న్న‌డ, మ‌ల‌యాళ, త‌మిళ భాష‌ల్లో ప్ర‌పంచ వ్యాప్తంగా విడుద‌ల‌కు సిద్ధ‌మ‌వుతోంది. చిత్రీకరణను పూర్తి చేసుకున్న ఈ చిత్రం పోస్ట్ ప్రొడక్ష‌న్ కార్య‌క్ర‌మాల‌ను జ‌రుపుకుంటోంది. సోమ‌వారం ఈ సినిమా నుంచి ఫస్ట్ లుక్‌ను చిత్ర యూనిట్ విడుద‌ల చేసింది. ఫస్ట్ లుక్‌ను గ‌మ‌నిస్తే.. ముని క‌న్య పాత్ర‌లో ఆశ్ర‌మంలో కూర్చుని ఉన్న సమంత, ఆమె నెమ‌ళ్లు, జింక‌లు, హంస‌లు ఇత‌ర వన్య ప్రాణులు నిలుచుని ఉన్నాయి. ఆమె దేని కోస‌మే ఎదురు చూస్తోంది. ఫస్ట్ లుక్ చాలా కూల్‌గా కనిపిస్తూ ఆక‌ట్టుకుంటోంది. త్వ‌ర‌లోనే ఈ చిత్రానికి సంబంధించిన మ‌రిన్ని అప్ డేట్స్ అంటే సాంగ్, టీజ‌ర్‌, ట్రైల‌ర్‌, మూవీ రిలీజ్ డేట్ వంటి విష‌యాలు బ‌య‌ట‌కు వ‌స్తాయి. శాకుంతలం చిత్రంలో యువ భరతుడిగా టాలీవుడ్ ఐకాన్ స్టార్ అల్లు అర్జున్ గారాల ప‌ట్టి అల్లు అర్హ న‌టించిన సంగ‌తి తెలిసిందే. అలాగే దుష్యంత మ‌హారాజుగా మ‌ల‌యాళ న‌టుడు దేవ్ మోహ‌న్ న‌టించారు. ప్రముఖ నిర్మాత దిల్ రాజు స‌మ‌ర్ప‌ణ‌లో డిఆర్‌పి, గుణ టీమ్ వ‌ర్క్స్ ప‌తాకాల‌పై రూపొందుతోన్న ‘’ చిత్రానికి గుణ శేఖర్ దర్శకత్వం వహిస్తున్నారు. నీలిమా గుణ నిర్మాత. మెలోడీ బ్రహ్మ మణిశర్మ సంగీత సారథ్యం వహిస్తున్నారు. శేఖర్ వి.జోసెఫ్ సినిమాటోగ్రఫీ అందిస్తున్నారు.
By February 21, 2022 at 09:55AM
No comments