Breaking News

హిజాబ్ వివాదం: అందాన్ని దాచుకోకపోవడంతోనే రేప్‌లు.. నోరుజారిన ఎమ్మెల్యే


దేశంలో ప్రకంపనలు సృష్టిస్తుండగా.. కర్ణాటక పేరు అంతర్జాతీయంగా మారుమోగుతోంది. ఈ అంశంపై రాజకీయ నాయకులు తమదైన శైలిలో స్పందిస్తూ వివాదంలో చిక్కుకుంటున్నారు. తాజాగా, కర్ణాటక చేసిన వ్యాఖ్యలపై తీవ్ర దుమారం రేగుతోంది. ఎమ్మెల్యే మాట్లాడుతూ.. హిజాబ్ తప్పనిసరి కాదని, కానీ, ఈ ఆచారాన్ని చాలా సంవత్సరాల నుంచి ఆచరిస్తున్నారన్నారు. అంతేకాదు, మహిళలు తమ అందాన్ని దాచుకోకపోవడం వల్లే అత్యాచారాలకు గురవుతారని సంచలన వ్యాఖ్యలు చేశారు. ‘‘ఇస్లాంలో హిజాబ్ అంటే పర్దా... మహిళల అందాన్ని దాచిపెట్టేందుకు.. హిజాబ్ ధరించనప్పుడు మహిళలు అత్యాచారానికి గురవుతారు... అమ్మాయిలు పెద్దయ్యాక ముఖాన్ని హిజాబ్‌తో కప్పుకోవాలి లేదా అందాన్ని దాచుకోవడానికి పర్దా ధరించాలి.. ప్రపంచంలోనే అత్యధిక అత్యాచార కేసులు నమోదవుతున్న దేశం భారత్‌ అని మీరు చూస్తున్నారు.. కారణం ఏమిటి? అమ్మాయిలు తమ ముఖాలను కప్పి, అందాన్ని దాచుకోరు.. హిజాబ్ మహిళల భద్రత కోసం, వారి అందాన్ని దాచుకోవడం కోసం. హిజాబ్ ధరించడం తప్పనిసరి కాదు.. కానీ మహిళలను రక్షించడానికి ఇది చాలా సంవత్సరాలుగా ఆచరిస్తున్నారు’’ అని అహ్మద్ వ్యాఖ్యానించారు. హిజాబ్ వివాదంపై కర్ణాటక హైకోర్టు మధ్యంతర ఉత్తర్వులు జారీ చేసింది. తుది ఉత్వర్వులు వెలువరించే వరకూ విద్యా సంస్థల్లో మతపరమైన వస్త్రాలను ధరించరాదని, సంబంధిత పాఠశాలల యాజమాన్యాలు అమలు చేస్తున్న డ్రెస్ కోడ్‌ను పాటించాలని స్పష్టం చేసింది. అటు, ఈ వివాదం కారణంగా మూతబడిన పాఠశాలలు సోమవారం నుంచి తెరుచుకున్నాయి. అయితే, కళాశాలలు, యూనివర్సిటీల రీఓపెనింగ్‌పై ప్రభుత్వం ఇంకా నిర్ణయం తీసుకోలేదు. కానీ, ముందుజాగ్రత్త చర్యల్లో భాగంగా ఫిబ్రవరి 19 వరకు ఉడిపిలోని అన్ని ఉన్నత పాఠశాలల వద్ద 144 సెక్షన్ విధించనున్నట్లు ఆ జిల్లా యంత్రాంగం స్పష్టం చేసింది. సోమవారం ఉదయం 6 గంటల నుంచి ఫిబ్రవరి 19 సాయంత్రం 6 గంటల వరకు ఈ ఆదేశాలు అమల్లో ఉంటాయి. స్కూళ్లు తిరిగి ప్రారంభంకానున్న నేపథ్యంలో శాంతి నెలకొని, సాధారణ పరిస్థితులు ఏర్పడతాయని ఆశిస్తున్నట్లు కర్ణాటక సీఎం బసవరాజ్ బొమ్మై ఆశాభావం వ్యక్తం చేశారు. పరిస్థితిని కొద్దిరోజులపాటు పరిశీలించిన తర్వాత ప్రీ యూనివర్సిటీ, డిగ్రీ కళాశాలను తెరిచే అంశంపై నిర్ణయం తీసుకుంటామని ఆయన వివరించారు.


By February 14, 2022 at 11:51AM


Read More https://telugu.samayam.com/latest-news/india-news/karnataka-congress-mla-zameer-ahmed-controversal-comments-on-hijab-row/articleshow/89560045.cms

No comments