Breaking News

Bheemla Nayak Success : పవ‌న్ క‌ళ్యాణ్ చేల‌రేగిపోయారు.. ‘భీమ్లా నాయ‌క్‌’పై సూపర్ స్టార్ ప్రశంసలు..!


పవర్ స్టార్ , వెర్సటైల్ హీరో రానా దగ్గుబాటిపై ప్రశంసల వర్షం కురుస్తోంది. సిన్సియర్ పోలీస్ ఆఫీస‌ర్ భీమ్లా నాయ‌క్‌గా ప‌వ‌న్ క‌ళ్యాణ్‌.. రిటైర్డ్ మిల‌ట‌రీ ఆఫీస‌ర్ డానియ‌ల్ శేఖ‌ర్‌గా రానా ద‌గ్గుబాటి పోటీ ప‌డి న‌టించారు. ఫిబ్ర‌వ‌రి 25న రిలీజ్ అయిన ఈ సినిమా సూప‌ర్ హిట్ టాక్‌ను తెచ్చుకుంది. బాక్సాఫీస్ వ‌ద్ద సూప‌ర్బ్ క‌లెక్ష‌న్స్‌ను రాబ‌ట్టుకుంటోందీ చిత్రం. ఇక ‘భీమ్లా నాయ‌క్‌’పై ఫ్యాన్స్‌తో పాటు సినీ సెల‌బ్రిటీలు ప్ర‌శంస‌ల వ‌ర్షం కురిపిస్తున్నారు. తాజాగా ఈ లిస్టులో సూప‌ర్ స్టార్ మ‌హేష్ చేరారు. ‘భీమ్లా నాయ‌క్‌’ హిట్‌ను ప్ర‌శంసిస్తూ ఆయ‌న ట్వీట్ చేశారు. ‘‘‘భీమ్లా నాయ‌క్‌’ అద్భుతంగా ఉంది. ప‌వన్ క‌ళ్యాణ్ స్క్రీన్‌పై చేల‌రేగి పోయారు. డానియ‌ల్ శేఖ‌ర్‌గా రానా ద‌గ్గుబాటి సెన్సేష‌న్ క్రియేట్ చేశారు. త్రివిక్ర‌మ్ త‌న‌దైన స్టైల్లో ఎప్ప‌టిలాగానే త‌న పెన్ ప‌వ‌ర్ చూపించారు. ఇక సినిమాటోగ్రాఫ‌ర్ కె.ర‌వి చంద్ర‌న్ విజువ‌ల్స్‌తో మాయ చేశారు. త‌మ‌న్ అద్భుత‌మైన సంగీతాన్ని అందించారు. ఆయ‌న బ్యాగ్రౌండ్ స్కోర్ థియేట‌ర్ నుంచి బ‌య‌ట‌కు వ‌చ్చిన వెంటాడుతుంది. ద‌ర్శ‌కుడు సాగ‌ర్ కె.చంద్ర‌, నిత్యా మీన‌న్‌, సంయుక్తా మీన‌న్‌, నిర్మాత సూర్య దేవ‌ర నాగ వంశీ స‌హా సితార ఎంట‌ర్‌టైన్‌మెంట్స్ బృందానికి అభినంద‌న‌లు’’ అన్నారు. అడివి శేష్‌, గోపీ మోహ‌న్‌, సందీప్ కిష‌న్ స‌హా చాలా మంది ప్ర‌ముఖులు భీమ్లా నాయ‌క్ స‌క్సెస్‌పై త‌మ సంతోషాన్ని వ్య‌క్తం చేస్తూ చిత్ర యూనిట్‌కి అభినంద‌న‌లు తెలిపారు. మలయాళ చిత్రం ‘అయ్య‌ప్ప‌నుమ్ కోశియ‌మ్‌’కు ఇది రీమేక్‌. సితార ఎంట‌ర్‌టైన్మెంట్స్ బ్యాన‌ర్‌పై సూర్య దేవ‌ర నాగ‌వంశీ ఈ చిత్రాన్ని నిర్మించారు. సాగ‌ర్ కె.చంద్ర ద‌ర్శ‌కుడు. స్టార్ డైరెక్ట‌ర్ త్రివిక్ర‌మ్ ఈ చిత్రానికి మాట‌లు, స్క్రీన్ ప్లే అందించారు. నిత్యా మీన‌న్‌, సంయుక్తా మీన‌న్ హీరోయిన్స్‌గా న‌టించారు.


By February 27, 2022 at 08:45AM


Read More https://telugu.samayam.com/telugu-movies/cinema-news/super-star-mahesh-appriciates-bheemla-nayak-with-his-tweet/articleshow/89862502.cms

No comments