Breaking News

Jr NTR : కృష్ణుడి పాత్రలో మహేష్ బాబు!.. ఎన్టీఆర్ మామూలోడు కాదు


ఎన్టీఆర్ కలిసి స్టేజ్‌ను పంచుకున్న మూమెంట్స్ అందరికీ ఇంకా గుర్తుండే ఉంటాయి. భరత్ అనే నేను ప్రీ రిలీజ్ ఈవెంట్‌కు ముఖ్య అతిథిగా వచ్చాడు. ఆ స్టేజ్ మీద మహేష్ బాబు, ఎన్టీఆర్‌లు ఒకరి గురించి మరొకరు గొప్పగా మాట్లాడుకున్నారు. అయితే మళ్లీ ఇన్నాళ్లకు ఇలా ఒకే స్టేజ్ మీదకు వచ్చారు. ఎన్టీఆర్ హోస్ట్ చేసిన మొదటి సీజన్ ముగిసింది. గత ఆదివారం నాటి చివరి ఎపిసోడ్‌లో మహేష్ బాబు గెస్ట్‌గా వచ్చాడు. ఈ ఎపిసోడ్ మీదున్న అంచనాలకు తగ్గట్టుగానే జెమిని టీవీ ఊరిస్తూ వచ్చింది. అయితే మొత్తానికి ఎపిసోడ్ బ్లాక్ బస్టర్ అయినట్టు కనిపిస్తోంది. స్టార్స్ ఇద్దరూ ముచ్చట్లు పెట్టుకున్న తీరు, అందులోని విశేషాలు తెగ వైరల్ అవుతున్నాయి. అందులో ఓ విషయం మాత్రం ఇప్పుడు ట్రెండింగ్‌లోకి వచ్చింది. మహా భారతం కథను సినిమాగా తీయాలనే ఆలోచన రాజమౌళికి ఉందన్న సంగతి తెలిసిందే. అయితే మహాభారతం టాపిక్ ఎన్టీఆర్ తీయడంతో మళ్లీ ఒక్కసారిగా చర్చల్లోకి వచ్చింది, తెలుగు హీరోలందరూ కలిసి ఆ సినిమాలో నటిస్తే ఎలా ఉంటుందనే ఆలోచన అందరికీ వస్తుంటుంది. కానీ ఎవరు ఏ పాత్రలను పోషించాలనే విషయంలో మాత్రం భేతాళ ప్రశ్నల్లానే మిగిలిపోతాయి. కానీ ఎన్టీఆర్ మాత్రం అందులోని ఓ పాత్రకు క్లారిటీ ఇచ్చాడు. హాభారతంలోని పాత్రల్లో ఏ పాత్ర అంటే ఇష్టం..? ఒకవేళ సినిమాగా తెరకెక్కిస్తే ఏ పాత్రలో నటిస్తారని ఎన్టీఆర్‌ ప్రశ్నించాడు. మహాభారతంలో అన్ని పాత్రలు చాలా కీలకమని, ఎంచుకోవడం కష్టమని మహేష్ సమాధానంగా చెప్పాడు. దీంతో ఎన్టీఆర్‌ స్పందిస్తూ.. కృష్ణుడి పాత్రలోలో మహేశ్‌బాబు బాగుంటాడని అందరి ముందు అనేశాడు. అక్కడి వరకు ఓ పాత్రపై క్లారిటీ వచ్చింది. మరి ఇక ఎన్టీఆర్ మనసులో ఏ పాత్రను పోషించాలనే కోరిక ఉందో అనే కొత్త చర్చ మొదలైంది. పాండవుల పాత్రలను చేయాలని ఉందో.. లేదు దుర్యోదనుడిగా చేయాలని ఉందో మరి.


By December 07, 2021 at 09:29AM


Read More https://telugu.samayam.com/telugu-movies/cinema-news/jr-ntr-on-mahesh-babu-mahabharata-lord-krishna-role/articleshow/88135964.cms

No comments