Samantha: మంత్రి కేటీఆర్పై సమంత కామెంట్స్.. క్రేజీ అంశంపై తనదైన రియాక్షన్ ఇస్తూ పోస్ట్
ఈ మధ్యకాలంలో వార్తల్లో ఎక్కువగా వినిపిస్తున్న పేరు సమంత. నాగ చైతన్యతో నాలుగేళ్ల వివాహ బంధానికి ఫుల్‌స్టాప్ పెడుతున్నట్లు చెప్పింది మొదలు ఆమె గురించి లెక్కలేనన్ని వార్తలు వచ్చాయి. పర్సనల్ విషయాలపై కూడా కొందరు కామెంట్స్ చేయగా వాటిని ఖండించింది ఈ హీరోయిన్. మరోవైపు సోషల్ మీడియాలో స్వేచ్ఛగా తన సందేశాలు పోస్ట్ చేస్తూ అభిమానులతో నిత్యం టచ్‌లో ఉంటోంది సమంత. ఈ నేపథ్యంలోనే తాజాగా మంత్రి కేటీఆర్పై ఆమె చేసిన కామెంట్స్ వైరల్‌గా మారాయి. ఇప్పటిదాకా సామాజిక అంశాలు, మోటివేషనల్ కోట్స్ షేర్ చేసిన సమంత.. ఇప్పుడు రాజకీయ అంశాల మీద కూడా ఫోకస్ పెట్టినట్లు తాజా పోస్ట్ చూస్తుంటే అర్థమవుతోంది. రీసెంట్‌గా సత్యవతి రాథోడ్ తీసుకున్న నిర్ణయాన్ని హర్షిస్తూ మంత్రి కేటీఆర్పై ప్రశంసలు గుప్పించింది సమంత. గత రెండు రోజుల క్రితం మంత్రి సత్యవతి రాథోడ్ పిల్లల కోసం స్పెషల్ అంబులెన్స్‌లను ప్రారంభించిన సంగతి తెలిసిందే. ఈ '' వెహికల్స్ పెట్టడంపై కేటీఆర్ రియాక్ట్ అవుతూ ఇది గొప్ప నిర్ణయం అని కొనియాడారు. అయితే కేటీఆర్ చేసిన ఈ పోస్ట్‌ని తన ఇన్స్‌స్టా స్టోరీలో పెట్టిన సమంత.. దండం పెడుతూ క్లాప్స్ కొడుతున్న ఎమోజీలను షేర్ చేసింది. పిల్లలకు ఆపద వస్తే ఆదుకునేందుకు ఉపయోగించే 1098 నంబర్ బాగా ప్రచారం అయ్యేలా.. ఒకేసారి 33 బాల రక్షక్ వాహనాలను ప్రారంభించినట్లు గిరిజన సంక్షేమ శాఖ మంత్రి సత్యవతి తెలిపారు. బాలలను ఆదుకునేందుకు 33 జిల్లాలకు ప్రత్యేకంగా జిల్లాకొకటి చొప్పున బాల రక్షక్ వాహనాలను ప్రభుత్వం కేటాయించామని తెలిపారు. ఇకపోతే విడాకుల ప్రకటన అనంతరం తగ్గేదే లే అన్నట్లుగా దూసుకుపోతోంది సమంత. స్నేహితులతో సరదాగా షికార్లు కొడుతూనే తన కెరీర్‌పై ఫోకస్ పెట్టింది. బలమైన కథా కథనాలున్న సినిమా ఎంపిక చేసుకుంటున్న ఈ బ్యూటీ.. అల్లు అర్జున్ హీరోగా తెరకెక్కుతున్న 'పుష్ప' సినిమాలో ఐటెం సాంగ్ చేస్తుండటం విశేషం. ఇటీవల దీనిపై అఫీషియల్ స్టేట్‌మెంట్ ఇచ్చింది సుకుమార్ టీమ్.
By November 17, 2021 at 03:14PM
No comments