Samantha Ruth Prabhu : సమంత సంచలన నిర్ణయానికి ఆ హీరోనే కారణమా?
సమంత సంచలన నిర్ణ‌యం అంటే ఆమె నాగ‌చైత‌న్య‌తో ఎందుకు విడిపోయింద‌నే అంద‌రూ ఆలోచిస్తారు. అందులో సందేహం లేదు. నాగ‌చైత‌న్య‌తో సమంత విడిపోవ‌డం వెనుక గ‌ల కార‌ణాలేంట‌నేది ఎవ‌రికీ తెలియ‌డం లేదు. వాళ్లు చెప్ప‌డం లేదు. మ‌రి సమంత విడిపోవాల‌నుకున్న‌ది సంచలన నిర్ణ‌య‌మే. అయితే ఇక్క‌డ మ‌నం ప్ర‌స్తావించే సంచలన నిర్ణయానికి, ఆమె వ్య‌క్తిగ‌త జీవితంలోని సంచలన నిర్ణయానికి సంబంధం లేదు. మ‌నం ఇక్క‌డ ఆమె ప్రొఫెష‌న‌ల్‌గా తీసుకుంటున్న నిర్ణ‌యాల గురించే ప్ర‌స్తావించ‌బోతున్నాం. సమంత సినిమాల ఎంపిక త‌న వైవిధ్యాన్ని చూపిస్తూ చాలా వేగంగా దూసుకెళ్తుంది. ఎవ‌రూ ఊహించని విధంగా సినిమాల‌ను అనౌన్స్ చేస్తూ అందరినీ ఆశ్చ‌ర్య‌ప‌రుస్తుంది. రీసెంట్‌గా ఆమె ‘అరెంట్‌మెంట్ ఆఫ్ ల‌వ్‌’ అనే అంతర్జాతీయ సినిమాను అనౌన్స్ చేసిన సంగ‌తి తెలిసిందే. చిత్ర యూనిట్ కానీ, సమంత చెప్ప‌లేదు కానీ.. ఇందులో ఆమె ఎవ‌రూ ఊహించని రోల్‌ను చేస్తుంది. అదే బై సెక్సువ‌ల్ రోల్‌. ఓ స్టార్ హీరోయిన్ అలాంటి పాత్ర‌లో న‌టించ‌డ‌మంటే ఆమెను అప్రిషియేట్ చేయ‌కుండా ఉండ‌లేరు. ‘అరెంట్‌మెంట్ ఆఫ్ ల‌వ్‌’ చిత్రాన్ని జాన్ పిలిప్ డైరెక్ట్ చేస్తున్నారు. గురు ఫిలింస్ పతాకంపై సునీత తాటి నిర్మిస్తున్నారు. అయితే ప‌ర్టికుల‌ర్‌గా బై సెక్సువ‌ల్ రోల్‌లో ఎవ‌ర్నీ న‌టింప చేయాల‌ని మేక‌ర్స్ ఆలోచిస్తుండ‌గా రానా ద‌గ్గుబాటి సమంత పేరుని సూచించాడ‌ట. ఆమె అయితే న్యాయం చేస్తుంద‌ని రానా చెప్ప‌డంతో మేక‌ర్స్ స‌మంత‌ను అప్రోచ్ అయ్యారు. క‌థ విన్న సమంత న‌టించ‌డానికి వెంట‌నే ఓకే చెప్పింది. అలా సమంత కెరీర్‌లో అంతర్జాతీయ సినిమాను ఎంపిక చేసుకునే సంచలన నిర్ణ‌యం వెనుక కార‌ణంగా నిలిచిన హీరో రానా ద‌గ్గుబాటి అని వార్త‌లు బ‌లంగా వినిపిస్తున్నాయి. ప్ర‌స్తుతం సమంత అల్లు అర్జున్‌తో క‌లిసి పుష్ప ది రైజ్ సినిమాలో స్పెష‌ల్ సాంగ్‌లో స్టెప్పులేస్తుంది. నాలుగైదు రోజులు పాటు ఈ పాటను చిత్రీక‌రించ‌నున్నారు. దీని త‌ర్వాత సమంత కిట్టిలో మూడు సినిమాలున్నాయి. అందులో ఒక‌టి ఇంట‌ర్నేష‌న‌ల్ మూవీ ‘అరెంట్‌మెంట్ ఆఫ్ ల‌వ్‌’. దీంతో పాటు రెండు ద్విభాషా (తెలుగు, త‌మిళ) చిత్రాలు రెండు చేయ‌నుంది. ఈ రెండు ద్వి భాషా చిత్రాల‌ను డెబ్యూ డైరెక్ట‌ర్స్ చేస్తుండ‌టం విశేషం. ఓ చిత్రాన్ని డ్రీమ్ వారియ‌ర్ పిక్చ‌ర్స్ సంస్థలో ఎస్‌.ఆర్‌.ప్ర‌కాశ్‌, ఎస్‌.ఆర్‌.ప్ర‌భు నిర్మిస్తుంటే.. మ‌రో చిత్రాన్ని శ్రీదేవి మూవీస్ బ్యాన‌ర్‌పై శివ‌లెంక కృష్ణ ప్ర‌సాద్ నిర్మిస్తున్నారు. త్వ‌ర‌లోనే ఈ మూడు సినిమాలో ఓ సినిమా సెట్స్‌పైకి వెళ్ల‌నుంది. ప్ర‌స్తుతం సమంత ఫిజిక‌ల్ పిట్‌నెస్‌పై చాలా ఫోక‌స్డ్‌గా ఉన్నారు. త్వ‌ర‌లోనే ఈమె బాలీవుడ్‌లోనూ ఎంట్రీ ఇవ్వ‌బోతున్నార‌ని టాక్ వినిపిస్తోంది.
By November 30, 2021 at 10:43AM
No comments