Pushpa : ‘పుష్ప’ ఐటెమ్ గర్ల్ ఎవరో?.. కొనసాగుతున్న సస్పెన్స్!
ఐకాన్ స్టార్ హీరోగా సుకుమార్ ద‌ర్శ‌క‌త్వంలో రూపొందుతోన్న పాన్ ఇండియా మూవీ ‘పుష్ప’. రెండు భాగాలుగా తెర‌కెక్క‌నున్న ఈ సినిమా తొలి భాగం ‘పుష్ప ది రైజ్’ను డిసెంబ‌ర్ 17న విడుద‌ల చేయ‌బోతున్న‌ట్లు ప్ర‌క‌టించారు. అంతా బాగానే ఉన్నా, బాలీవుడ్‌లో మాత్రం విడుద‌ల‌కు చిన్న చిన్న స‌మ‌స్యలున్నాయి. వాటిని ప‌రిష్క‌రించే దిశ‌గా నిర్మాత‌లు అడుగులు వేస్తున్నారు. మ‌రో వైపు సినిమా చిత్రీక‌ర‌ణ శ‌ర‌వేగంగా జ‌రుగుతోంది. రీసెంట్‌గా అల్లు అర్జున్, వెయ్యి మంది డాన్స‌ర్స్‌తో హైద‌ర‌బాద్‌లో ఓ భారీ పాట‌ను చిత్రీక‌రించారు. ఇక పుష్ప షూటింగ్‌కి సంబంధించి ఓ ఐటెమ్ సాంగ్‌ను మాత్రం చిత్రీక‌రించాల్సి ఉంది. త‌న సినిమాల్లో ఐటెమ్ సాంగ్స్‌ను చిత్రీక‌రించ‌డంలో సుకుమార్‌కు ఓ ప్ర‌త్యేక‌మైన స్టైల్ ఉంటుంది. పాన్ ఇండియా మూవీ కావ‌డంతో ఈసారి అన్ని వ‌ర్గాల ప్రేక్ష‌కుల‌ను ఆక‌ట్టుకునేలా ఐటెమ్‌సాంగ్‌ను చిత్రీక‌రించాల‌ని సుక్కు భావిస్తున్నార‌ని టాక్‌. అంద‌రూ అంటే ద‌క్షిణాది ప్రేక్ష‌కులు స‌హా బాలీవుడ్ ప్రేక్ష‌కుల‌ను మెప్పించేలా అన్న‌మాట. అయితే అలాంటి సాంగ్‌ను చిత్రీక‌రించ‌డ‌మంటే అంత సులువు కాదు. అలాగ‌ని సుకుమార్‌కు క‌ష్టం కూడా కాదు. నేష‌న‌ల్ రేంజ్ ఇమేజ్ ఉన్న బ్యూటీస్‌ను త‌న ఐటెమ్ సాంగ్‌లో న‌టింప చేయ‌డానికి సుకుమార్ ప్ర‌య‌త్నాలు చేస్తున్నార‌ట. నోరా ఫ‌తేహి, స‌న్నీలియోన్‌, దిశా ప‌టాని వంటి హీరోయిన్స్‌ను ఈ ఐటెమ్ సాంగ్ కోసం ఇప్ప‌టికే అప్రోచ్ అయ్యార‌ట. భారీ రెమ్యున‌రేష‌న్ ఇస్తామ‌ని కూడా అన్నార‌ట. అయితే పుష్ప ప‌క్క‌న చిందేయ‌నున్న ఐటెమ్ పాప ఎవరో ఇంకా క్లారిటీ అయితే రాలేదు. త్వ‌ర‌లోనే మేక‌ర్ర‌స్ దీనిపై ఓ నిర్ణ‌యం తీసుకోబోతున్నార‌ని స‌మాచారం. న‌వంబ‌ర్ ద్వితీయార్థానికంతా షూటింగ్ పూర్తి చేసేలా స‌న్నాహాలు చేసుకున్నారట. ఎందుకంటే పుష్ప పాన్ ఇండియా మూవీగా ప్ర‌మోట్ అయ్యింది. దానికి త‌గ్గ‌ట్టు ప్ర‌మోష‌న్స్ ప్లాన్ చేసుకోవాలి మ‌రి. ఆర్య, ఆర్య 2 చిత్రాల త‌ర్వాత బ‌న్నీ, సుకుమార్ కాంబినేష‌న్‌లో రూపొందుతోన్న మూడో చిత్రం కావ‌డంతో సినిమాపై భారీ అంచ‌నాలున్నాయి. రంగ స్థ‌లం వంటి బ్లాక్ బ‌స్ట‌ర్ త‌ర్వాత సుకుమార్ ద‌ర్శ‌క‌త్వంలో వ‌స్తున్న సినిమా కూడా కావ‌డంతో సినీ వ‌ర్గాలు ఆస‌క్తిగా పుష్ప ది రైజ్ కోసం వేచి చూస్తున్నాయి. చిత్తూరు జిల్లాలోని శేషాచ‌ల అడవుల్లో జ‌రిగే ఎర్ర చంద‌నం స్మ‌గ్లింగ్ బ్యాక్‌డ్రాప్‌లో పుష్ప మూవీ తెర‌కెక్కుతోంది. ర‌ష్మిక మంద‌న్న హీరోయిన్‌గా న‌టిస్తుంది. మ‌ల‌యాళ స్టార్ ఫ‌హాద్ ఫాజిల్ విల‌న్‌గా న‌టిస్తున్నాడు. ఇప్ప‌టి వ‌ర‌కు చేయ‌న‌టువంటి డిఫ‌రెంట్ ర‌గ్డ్ లుక్‌లో క‌నిపించే పుష్పరాజ్ అనే లారీ డ్రైవ‌ర్ పాత్ర‌లో అల్లు అర్జున్ క‌నిపించ‌నున్నారు. మైత్రీ మూవీ మేక‌ర్స్‌, ముత్తం శెట్టి మీడియా సంస్థ‌లు ఈ చిత్రాన్ని నిర్మిస్తున్నాయి.
By November 14, 2021 at 10:25AM
No comments