Pushpa: అనుకున్నదే జరిగింది.. దాక్షాయణిగా అనసూయ ఫస్ట్ లుక్ అదుర్స్.. తగ్గేదే లే!!
బుల్లితెర హాట్ బాంబ్ వెండితెరపై సత్తా చాటుతోంది. నటనకు ప్రాధాన్యమున్న పాత్రల్లో నటిస్తూ ప్రేక్షకలోకాన్ని మెప్పిస్తోంది. గతంలో సుకుమార్ రూపొందించిన 'రంగస్థలం' సినిమాలో రంగమ్మత్తగా పవర్‌ఫుల్ రోల్ చేసి తనలోని నటనా ప్రతిభను వెలికితీసిన ఈ జబర్దస్త్ బ్యూటీ.. మళ్ళీ అదే సుకుమార్ రూపొందిస్తున్న '' మూవీలో దాక్షాయణిగా పవర్‌ఫుల్ రోల్ చేస్తోంది. తాజాగా ఆమె లుక్ రివీల్ చేశారు మేకర్స్. ఎప్పటికప్పుడు సరికొత్త అప్‌డేట్స్ ఇస్తూ 'పుష్ప' మూవీపై అంచనాలు పెంచుతున్న క్రియేటివ్ డైరెక్టర్ సుకుమార్.. తాజాగా అనసూయ దాక్షాయణి లుక్ రివీల్ చేసి మరింత ఆసక్తి రేకెత్తించారు. నోటిలో ఆకు నములుతూ.. చేతిలో అడకత్తెర పట్టుకుని పోకచెక్కలు పగల గొడతూ అనసూయ ఇచ్చిన లుక్ చేసి ఫిదా అవుతున్నారు ఆడియన్స్. విడుదలైన కాసేపట్లోనే ఈ పోస్టర్ వైరల్ అయింది. ఈ లుక్ చూస్తుంటే ముందుగా అందరూ ఊహించినట్లుగానే పుష్పలో అనసూయ చేసేది ఓ పవర్‌ఫుల్ క్యారెక్టర్ అని స్పష్టమవుతోంది. అల్లు అర్జున్- సుకుమార్ కాంబోలో గతంలో ఆర్య, ఆర్య- 2 సినిమాలు వచ్చి సూపర్ డూపర్ హిట్ సాధించగా ఇప్పుడు 'పుష్ప' రూపంలో ఈ ఇద్దరి హ్యాట్రిక్ మూవీ ప్రేక్షకుల ముందుకు రాబోతోంది. మైత్రి మూవీ మేకర్స్, ముత్తంశెట్టి మీడియా సంయుక్త సమర్పణలో రూపొందుతున్న ఈ భారీ సినిమాలో అల్లు అర్జున్ సరసన రష్మిక మందన హీరోయిన్‌గా నటిస్తోంది. రెండు భాగాలుగా ఈ సినిమాను రూపొందిస్తుండటం విశేషం. ఇందులో మొదటి భాగం 'పుష్ప: ది రైజ్' చిత్రాన్ని క్రిస్మస్ కానుకగా డిసెంబర్ 17న విడుదల చేస్తున్నారు. ఈ చిత్రంలో అల్లు అర్జున్‌తో జాతీయ అవార్డు గ్రహిత, మ‌ళ‌యాలీ స్టార్ హీరో ఫహాద్ ఫాజిల్ తలపడుతున్నారు. విలన్‌గా ఆయన రోల్ మేజర్ అట్రాక్షన్ కానుందట. ధనుంజయ్, సునీల్, రావు రమేష్, అజయ్ ఘోష్ కీలకపాత్రల్లో కనిపించనున్నారు. ఈ మూవీపై బన్నీ ఫ్యాన్స్ ఓ రేంజ్ అంచనాలు పెట్టుకున్నారు.
By November 10, 2021 at 11:06AM
No comments