KTR : ‘శ్రీమంతుడు’ స్పూర్తితో చేశారన్న కేటీఆర్.. ఉప్పొంగిపోయిన మహేష్ బాబు
సినిమాలు సమాజం మీద ప్రభావాన్ని చూపిస్తాయన్న సంగతి తెలిసిందే. మంచి ప్రభావం.. చెడు ప్రభావం రెండూఉంటాయి. అయితే తాజాగా సినిమా స్ఫూర్తితో దోమకొండలోని బీబీపేట మండలంలో సుభాష్ రెడ్డి అనే నాయకుడు ఓ అందమైన పాఠశాలను కట్టించాడు. తన కొడుకు నేహాంత్ శ్రీమంతుడు సినిమా చూసి ఇలా కట్టించాలని అన్నాడట. నేడు ఆ పాఠశాలను ప్రారంభించాడు. ఇక్కడకు వచ్చాక తనకు ఆ విషయం తెలిసిందని..లేదంటే మహేష్ బాబునే ఈవెంట్‌కు తీసుకొచ్చే వాడనని కేటీఆర్ అన్నాడు. సుభాష్ రెడ్డి అంత కాకపోయినా తాను కూడా పక్కనే ఉన్న తన నానమ్మ ఊరు కోనాపూర్‌లోని ప్రాథమిక పాఠశాలను తాను బాగు చేయిస్తాను అని కేటీఆర్ మాటిచ్చాడు. శ్రీమంతుడు సినిమా స్ఫూర్తితో ఈ పాఠశాల కట్టించారని ముందే తెలిస్తే.. మహేష్ బాబును తీసుకొచ్చే వాడిని. జూనియర్ కాలేజ్ కడుతున్నారు కదా? అది పూర్తయిన తరువాత అప్పుడు తీసుకొద్దాం. ఆయన వస్తే ఇంకా పది మందికి ఈ విషయం తెలస్తుంది. ఇంకో పది చోట్ల ఇలాంటి మంచి పనులు జరుగుతాయని కేటీఆర్ అన్నాడు. ఇక శ్రీమంతుడు సినిమా చూసి ఇలా స్ఫూర్తి పొందడటం, కేటీఆర్ తన గురించి ప్రస్థావించడంతో మహేష్ బాబు స్పందించాడు. ఈ స్కూల్ నిర్మించడానికి కారణం శ్రీమంతుడు సినిమా అని తెలిసి ఎంతో సంతోషంగా అనిపిస్తోంది. సుభాష్ రెడ్డి గారికి చేతులెత్తి దండం పెడుతున్నాను. మీరు నిజమైన హీరో.. మీ లాంటి వాళ్లే మాకు కావాలి. శ్రీమంతుడు టీంతో కలిసి కచ్చితంగా మీ పాఠశాలకు వస్తాం. ఈ గొప్ప ప్రాజెక్ట్ పూర్తయ్యాక మేం అక్కడి వస్తామని మహేష్ బాబు చెప్పుకొచ్చాడు.
By November 10, 2021 at 02:39PM
No comments