Kajal Aggarwal : ప్రెగ్నెన్సీ వార్త‌ల‌పై స్పందించిన కాజల్ అగర్వాల్..మాతృత్వం గురించి ఏమందంటే!
హీరోయిన్ కాజల్ అగర్వాల్..కొన్నాళ్లు ముందు తన చిన్న‌నాటి స్నేహితుడు గౌత‌మ్ కిచ్లుని పెళ్లి చేసుకుని సెటిలైంది. పెళ్లి త‌ర్వాత కూడా సినిమాలు చేయ‌డానికి తాను సిద్ధ‌మేన‌ని చెప్పేసింది కూడా. అయితే రీసెంట్ టైమ్‌లో కాజల్ అగర్వాల్ త‌ల్లి కాబోతుందంటూ వార్త‌లు నెట్టింట తెగ హ‌ల్‌చ‌ల్ చేశాయి. ఈ వార్త‌ల‌పై తొలిసారి కాజల్ అగర్వాల్ స్పందించింది. తన ప్రెగ్నెన్సీ వార్తలను ఖండించారు. ‘‘ఇప్పుడు నా ప్రెగ్నెన్సీ గురించి మాట్లాడాల‌ని అనుకోవ‌డం లేదు. అయితే దానికి స‌మయం వ‌చ్చిన‌ప్పుడు మాత్రం క‌చ్చితంగా మాట్లాడుతాను. మాతృత్వం అనేది గొప్ప విష‌యం. నాకు సంబంధించినంత వ‌ర‌కు ఓ వైపు ఎగ్జ‌యిట్‌మెంట్‌ను క‌లిగిస్తూనే నెర్వ‌స్‌గానూ అనిపిస్తుంది. నేను నా సోదరి నిషా అగర్వాల్ త‌ల్లి అయిన‌ప్పుడు త‌నెలాంటి ఫీలింగ్స్‌ను ఫేస్ చేసింద‌నే దాన్ని ద‌గ్గ‌ర నుంచి గ‌మ‌నించాను. ఇప్పుడు త‌నెలా ఫీల్ అవుతుందో కూడా గ‌మ‌నిస్తున్నాను. నిషా పిల్ల‌లు ఇషాన్‌, కబీర్‌ల‌తో ఎక్కువ స‌మ‌యాన్ని గ‌డిపాను. ఆ స‌మ‌యంలో నేను వారికి త‌ల్లిలాగా భావ‌న‌లో ఉంటూ గ‌డిపాను. వీరు నా జీవితంలోకి వ‌చ్చిన త‌ర్వాత నా హృద‌యంలో స‌రికొత్త భావ‌న క‌లిగింది. అదే ఇప్పుడు నాకు పిల్ల‌లు పుడితే ఎలా ఉంటుంద‌నే భావ‌న మ‌రింత ఎమోష‌న్‌ను పెంచుతుంద‌నే భావిస్తున్నాను’’ అన్నారు. ప్ర‌స్తుతం కాజల్ అగర్వాల్ ఉమ అనే సినిమాలో నటించింది. బాలీవుడ్‌లో రూపొందిన ఈ సినిమా విడుద‌ల‌కు స‌న్న‌ద్ధ‌మ‌వుతుంది. ఇందులో తానొక మిస్టీరియ‌స్ అమ్మాయి పాత్ర‌లో క‌నిపిస్తాన‌ని చెప్పిందీ అమ్మ‌డు. ఇదొక ఫీల్ గుడ్ ఫ్యామిలీ డ్రామా అని కాజల్ తెలిపారు. 2004లో న‌టిగా ఈమె తన కెరీర్‌ను స్టార్ట్ చేశారు. ల‌క్ష్మీ క‌ళ్యాణం సినిమాతో తెలుగు ప్రేక్ష‌కుల‌కు కాజల్ ప‌రిచ‌య‌మైంది. అప్ప‌టి నుంచి తెలుగులో వ‌రుస అవ‌కాశాల‌ను ద‌క్కించుకుంది. చిరంజీవి, రామ్‌చ‌ర‌ణ్‌, ఎన్టీఆర్‌, ప్ర‌భాస్‌, మ‌హేశ్ ఇలా స్టార్ హీరోలంద‌రి సినిమాల్లోనూ న‌టించి న‌టిగా ఒక్కొక్క మెట్టు ఎదుగుతూ వ‌చ్చింది. గ‌త ఏడాదిలోనే పెళ్లి చేసుకుంది. సినిమాల‌తో పాటు డిజిట‌ల్ మాధ్య‌మంలోనూ కాజల్ అగర్వాల్ నటించింది కూడా. ఇప్పుడు చిరంజీవితో క‌లిసి ఆచార్య‌లో నటించింది. ఈ సినిమా ఫిబ్ర‌వ‌రి 4న విడుద‌ల‌వుతుంది. ఈ చిత్రాలు కాకుండా త‌మిళంలో, హిందీలోనూ వ‌రుస సినిమాలున్నాయి. ప్రెస్టీజియ‌స్ ప్రాజెక్ట్‌గా స్టార్ట్ అయిన ఇండియ‌న్ 2లోనూ క‌మ‌ల్ హాస‌న్‌తో ఈమె క‌లిసి నటించింది. అయితే ఇప్పుడా ప్రాజెక్ట్ ఆగింది. మ‌రి ఈ సినిమాల‌న్నీ విడుద‌లైతే కాజల్, హీరోయిన్‌గా అవ‌కాశాల‌ను ద‌క్కించుకుని కంటిన్యూ అవుతుందేమో చూడాలి.
By November 09, 2021 at 09:35AM
No comments