తల్లిని వీడలేక గున్న ఏనుగు కన్నీటి వేదన.. వీడియో వైరల్
అమ్మ.. కదిలే దేవత అమ్మ. కంటికి వెలుగు అమ్మ. పెదవే పలికే తీయని మాట అమ్మ. మనిషికి తప్ప దేవుడికి కూడా లేని గొప్ప వరం అమ్మ. దేవుడు ప్రతి చోట ఉండలేకే అమ్మను సృష్టించాడని చెప్తారు. సృష్టిలో ఏ జీవికైనా అమ్మ అమ్మే.. అలాంటి అమ్మ నుంచి బిడ్డను వేరు చేయాల్సిన పరిస్థితి వస్తే..? అది ఎంత బాధాకరంగా, భయానకంగా ఉంటుంది? ఈ పిల్ల ఏనుగు చూస్తే.. అలాంటి బాధే కలుగుతోంది. తల్లిని విడిచిపెట్టలేక చిన్నారులు ఎలా గుక్కపెట్టి ఏడుస్తారో.. ఈ పిల్ల ఏనుగు కూడా అలాగే కంటతడి పెట్టింది. తల్లి నుంచి విడదీసే ప్రయత్నాలను ఆ పిల్ల ఏనుగు తీవ్రంగా ప్రతిఘటించింది. వయసుకు చిన్నదే అయినా తన ఘీంకరింపులతో అటవీ సిబ్బందిని భయపెట్టింది. వాళ్లు చాలా సేపు తంటాలు పడాల్సి వచ్చింది. ఆ గున్న ఏనుగును తల్లి నుంచి వేరు చేయడానికి ఏడు ఏనుగులను తీసుకొచ్చారు. వాటితో వలపన్ని ఆ తల్లీపిల్లలను వేరు చేశారు. చివరికి ఆ పిల్ల ఏనుగును ఇలా బంధించి తీసుకుపోయారు. కర్ణాటకలోని శివమొగ్గ జిల్లాలో ఈ ఘటన చోటు చేసుకుంది. శిక్షణ ఇవ్వడంలో భాగంగానే ఆ పిల్ల ఏనుగును తల్లి నుంచి వేరు చేసినట్లు ఫారెస్టు అధికారులు తెలిపారు. ఇందులో భాగంగా దానికి తొలుతు తల్లి లేని కొత్త ప్రపంచాన్ని పరిచయం చేస్తారట. ఆ తర్వాత శిక్షణ మొదలు పెడతారట. ఈ పిల్ల ఏనుగుకు కన్నడ పవర్ స్టార్ ‘’ అని పేరు పెట్టారు. మరణించడానికి కొద్ది రోజుల ముందు ఆయన ఈ ఏనుగుల శిబిరాన్ని సందర్శించారట. అక్కడ వాటితో 2, 3 గంటల పాటు సరదాగా గడిపారట. అందుకే ప్రజలు, అటవీ సిబ్బంది విజ్ఞప్తి మేరకు దానికి ఆ పేరు పెట్టారు. ఏం శిక్షణ ఇస్తారో గానీ.. తల్లిని వీడలేక ఆ గున్నేనుగు చేసిన పోరాటం అందరి మనసులనూ కలచివేసింది.
By November 16, 2021 at 10:44AM
No comments