నిహారిక ఏడాది క్రితమే చెప్పింది.. కానీ జోక్యం చేసుకోలేదు.. మ్యాటర్ రివీల్ చేసిన వరుణ్ తేజ్

మెగా డాటర్ పెళ్లి తర్వాత కాస్త గ్యాప్ తీసుకొని తిరిగి తన రెగ్యులర్ లైఫ్ లోకి వచ్చేసింది. సినిమాలు నిర్మించడం, నటించడం పట్ల మక్కువ చూపే ఆమె '' అనే వెబ్ సిరీస్‌తో ప్రేక్షకులను పలకరించబోతోంది. జీ5 ఓటీటీ వేదికపై ఈ నెల 19 నుంచి ఈ మూవీ స్ట్రీమింగ్ కానున్న నేపథ్యంలో నిన్న (గురువారం) హైదరాబాదులో ప్రీ రిలీజ్ ఈవెంట్ నిర్వహించారు. ఈ వేడుకకు ముఖ్య అతిథిగా హాజరైన నిహారిక బ్రదర్, హీరో ఆసక్తికర విషయాలను పంచుకున్నారు. ఒక వెబ్ సిరీస్ చేస్తున్నానని నిహారిక తనకు ఏడాది క్రితమే చెప్పింది.. కానీ కానీ కథ ఏంటి? టైటిల్ ఏంటి? అనేది మాత్రం రివీల్ చేయలేదని వరుణ్ తేజ్ అన్నారు. నిహారికకు ఎప్పుడూ సొంత దృక్పథం ఉంటుందని, తనకు అన్నీ తెలుసు కాబట్టి ఆమె పనితీరులో తాము ఎప్పుడూ జోక్యం చేసుకోమని చెప్పారు. ఇక ఈ వెబ్ సిరీస్ టీజర్ చూసి షాకయ్యానని, నేనే కాదు అందరూ ఈ సినిమా చాలా క్వాలిటీతో ఉందని అంటున్నారని పేర్కొన్నారు వరుణ్ తేజ్. సినిమాల ద్వారా కొందరికే అవకాశం వస్తుందని, కానీ వెబ్ సిరీస్‌ల వల్ల అనేక మందికి ఉపాధి లభిస్తుందని వరుణ్ తేజ్ తన అభిప్రాయం వ్యక్తం చేశారు. పోను పోను సినిమా హాల్స్‌కి, ఓటీటీకి పెద్దగా డిఫరెన్స్ ఉండక పోవచ్చని ఆయన అన్నారు. ఇక ఈ సినిమాలో సంగీత్ చాలా బాగా నటించాడని, ఇంతకుముందు మంచి అనుభవం ఉన్నవాడిలా చేశాడని అన్నారు. సిమ్రాన్ కూడా చాలా బాగా చేసిందని, ఆమెకి కూడా మంచి ఫ్యూచర్ ఉందని వరుణ్ తెలిపారు. ఈ నెల 19 నుంచి మీ అందరూ కూడా మీ ఫ్యామిలీతో కూర్చుని ఈ చిన్న ఫ్యామిలీ స్టోరీని చూస్తూ ఎంజాయ్ చేస్తారని ఆయన అన్నారు. ఒక్కోటి 40 నిమిషాల నిడివి గల 5 ఎపిసోడ్లతో సంగీత్ శోభన్, సిమ్రన్ శర్మ జంటగా ఈ వెబ్ సిరీస్ నిర్మించారు. మహేష్ ఉప్పాల దర్శకత్వం వహించిన ఈ సినిమాలో సీనియర్ నటులు నరేష్, తులసి కీలక పాత్రలు పోషించగా స్టాండప్ కమెడియన్ గెటప్ శ్రీను ముఖ్య పాత్రలో కనిపించనున్నాడు.

By November 12, 2021 at 01:26PM

Read More https://telugu.samayam.com/telugu-movies/cinema-news/oka-chinna-family-story-varun-tej-comments-on-niharika/articleshow/87663236.cms