Sai Dharam Tej: సాయిధరమ్ తేజ్ ఆ హీరోయిన్‌ను పెళ్లి చేసుకోబోతున్నాడా? అందుకే ఆమె అలా స్పందిస్తుందా?
సాయిధరమ్ తేజ్.. ఇటీవ‌ల బైక్ యాక్సిడెంట్‌కు గురై హాస్పిట‌ల్‌లో చికిత్స తీసుకుని ప్రాణా పాయం నుంచి బ‌య‌ట ప‌డిన సంగ‌తి తెలిసిందే. పూర్తి ఆరోగ్యంతో ఈ హీరో ఇంటికి తిరిగొచ్చాడు కూడా. కాగా.. ఇండ‌స్ట్రీ వ‌ర్గాల్లో ఈ ఏడాది సాయితేజ్ పెళ్లి జ‌రిగే అవ‌కాశం ఉంద‌ని టాక్ వినిపిస్తోంది. అయితే ఇది వ‌ర‌కు సాయిధరమ్ ఓ హీరోయిన్‌తో ప్రేమ‌లో ఉన్నాడ‌నే వార్త‌లు కూడా వినిపించాయి. ఆమె ఎవ‌రో కాదు.. . బ్రెజిలియ‌న్ మోడ‌ల్‌.. హీరోయిన్‌. తిక్క సినిమాలో సాయిధరమ్ తేజ్‌తో క‌లిసి న‌టించింది. ఆమెతో సాయితేజ్ ప్రేమ వ్య‌వ‌హారంపై మెగా కాంపౌండ్ గాసిప్స్‌పై స్పందించ‌డం ఎందుక‌ని అనుకుందేమో..సైలెంట్‌గా ఉండిపోయింది. కానీ ఇప్పుడు ప‌రిస్థితులు చూస్తుంటే సాయిధరమ్ తేజ్, లారిస్సా బోనెసి నిజంగానే ప్రేమించుకున్నారా? ఏంటి అనిపిస్తుంది. అందుకు కార‌ణం.. లారిస్సా బోనెసి పెడుతున్న ట్వీట్స్‌. సాయితేజ్ రిప‌బ్లిక్ మూవీ విడుద‌ల స‌మ‌యంలో నాతేజు న‌టించిన రిప‌బ్లిక్ ఈరోజు విడుద‌లవుతుంది అంటూ ట్వీట్ చేస్తూ లవ్ సింబ‌ల్‌ను పోస్ట్ చేసిన లారిస్సా..రీసెంట్‌గా ఐ మిస్ యు తేజ్ అంటూ రీసెంట్‌గా ట్వీట్ చేసింది. రీసెంట్‌గా ఐ యామ్ ఇన్ లవ్.. అంటూ మ‌రో ట్వీట్ చేసింది. దీంతో నెటిజ‌న్స్ ఆమె సాయితేజ్‌తో ప్రేమ‌లో ఉంద‌ని అంటున్నారు. ఒక‌వేళ ఇది నిజ‌మైతే, మ‌రి సాయిధరమ్ తేజ్, లారిస్సా బోనెసిని పెళ్లి చేసుకుంటాడా? అనేది తెలియాలంటే మెగా కాంపౌండ్ ఈ వార్త‌ల‌పై స్పందించాల్సిన అవ‌స‌రం ఎంతైనా ఉంది. పూర్తిగా కోలుకున్న సాయిధరమ్ తేజ్, ఎక్కువ స‌మ‌యం తీసుకోకుండా షూటింగ్స్‌లో పాల్గొనే అవ‌కాశం ఉంద‌ని టాక్ వినిపిస్తోంది.
By October 16, 2021 at 11:31AM
No comments