వాకింగ్‌కు వెళ్లిన యువకుడికి చెరుకు రసం ఇప్పిస్తానని తీసుకెళ్లి అత్యాచారం!

కామంతో బరితెగించిన కామాంధులకు ఆడ, మగా, చిన్న పిల్లలు అనే తేడా లేకుండా పోతోంది. ఓ యువకుడిపైనే కామాంధుడు అత్యాచారానికి పాల్పడిన ఘటన కర్ణాటకలో చోటుచేసుకుంది. వారం రోజుల వ్యవధిలోనే ఇలాంటివి రెండు ఘటనలు చోటుచేసుకోవడం గమనార్హం. జిల్లాలోని కబాక గ్రామంలో యువకుడిపై ఓ వ్యక్తి అత్యాచారానికి పాల్పడ్డాడు. పుత్తూరు పోలీసులు తెలిపిన వివరాల ప్రకారం.. కబాక గ్రామానికి చెందిన బాధితుడు యువకుడు (20) శుక్రవారం సాయంత్రం 6 గంటలకు వాకింగ్ చేద్దామని బయటికి వెళ్లాడు. ఇంటికి తిరిగొచ్చిన యువకుడి దుస్తుల నిండా బురద అంటుకోగా, భయంతో వణికిపోతున్న అతడి చూసి తండ్రి ఆందోళన చెందాడు. ఏం జరిగిందని తండ్రి నిలదీయడంతో అసలు విషయం చెప్పాడు. అదే గ్రామానికి చెందిన మొహ్మద్ హనీఫ్‌ తనపై లైంగిక దాడికి పాల్పడినట్టు వెల్లడించారు. బాధిత కుటుంబానికి హనీఫ్‌తో పరిచయం ఉంది. యువకుడు వాకింగ్ కోసం వెళ్లినప్పుడు గ్రామ సమీపంలోని రైల్వే ట్రాక్ వద్ద హనీఫ్ పలకరించాడు. పరిచయస్థుడు కావడంతో ఆ యువకుడు కూడా అతడితో మాట కలిపాడు. ఈ క్రమంలో వాకింగ్ చేస్తూ అలిసిపోయావు కదా చెరుకు రసం తాగుదామంటూ నమ్మబలికాడు. అది నిజమేనని భావించిన బాధితుడు.. హనీఫ్ వెంట వెళ్లాడు. ఈ క్రమంలో యువకుణ్ని పట్టుకుని పొదల్లోకి లాక్కెళ్లి సెక్స్ చేయాలని ప్రేరేపించాడు. అందుకు యువకుడు ఒప్పుకోకపోవడంతో కొట్టి బలవంతంగా అత్యాచారం చేశాడు. ఈ విషయాన్ని కుటుంబసభ్యులకు చెబితే చంపేస్తానని బెదిరించాడు. అక్కడ నుంచి తప్పించుకున్న యువకుడు ఇంటికి చేరుకుని జరిగిన విషయం తండ్రికి తెలియజేశాడు. దీంతో బాధిత యువకుడి తండ్రి పోలీసులకు ఫిర్యాదు చేయడంతో హనీఫ్‌పై అత్యాచారం కేసు నమోదుచేశారు. నిందితుడ్ని అదుపులోకి తీసుకుని.. ఐపీసీ 504, 323, 377, 506 సెక్షన్ల కింద కేసు నమోదుచేసినట్టు పోలీసులు తెలిపారు. నిందితుడికి శిక్ష పడేలా ఆధారాలు సేకస్తున్నామని పోలీసులు పేర్కొన్నారు. వారం రోజుల కిందట బెళగావి జిల్లాలోనూ ఇటువంటి ఘటనే చోటుచేసుకుంది. బెళగావికి చెందిన యువకుడు (24) హోటల్లో క్లీనర్గా పని చేస్తున్నాడు. అక్టోబరు 5న హోటల్ నుంచి ఇంటికి తిరిగి వస్తుండగా లిఫ్ట్ ఇస్తానని చెప్పి బైక్ ఎక్కించుకున్న కామాంధుడు నిర్మానుష్య ప్రదేశానికి తీసుకెళ్లి అత్యాచారం చేశాడు. నిందితుడ్ని సంకొనట్టి గ్రామానికి చెందిన రాజు అచారకట్టిగా గుర్తించారు. అత్యాచారానికి పాల్పడిన నిందితుడు.. ఈ విషయాన్ని ఎవరికైనా చెప్తే చంపేస్తానని బెదిరించాడు. దీనిపై అథణి పోలీస్ స్టేషన్లో బాధితుడు ఫిర్యాదు చేశాడు. కేసు నమోదు చేసుకున్న పోలీసులు.. నిందితుడ్ని అరెస్టు చేశారు.

By October 17, 2021 at 02:41PM

Read More https://telugu.samayam.com/latest-news/crime/20-year-old-man-raped-after-being-lured-with-sugarcane-dakshina-kannada-of-karnataka/articleshow/87080817.cms