‘మీలో ఎవరు మద్యం సేవిస్తారు’.. పీసీసీ చీఫ్‌లతో సమావేశంలో రాహుల్ ప్రశ్న.. షాకైన నేతలు!
మంగళవారం అన్ని రాష్ట్రాల అధ్యక్షులతో జరిగిన సమావేశంలో నుంచి ఊహించని ప్రశ్న ఎదురయ్యింది. కాంగ్రెస్ సభ్యత్వం ఉన్నవారు ఖాదీ ధరించడం, మద్యానికి దూరంగా ఉండాలన్న నియమ నిబంధనలు ఉన్నాయి. ఈ విషయంలో రాహుల్ గాంధీ అడిగిన ప్రశ్నకు వారంతా తెల్లమొహాలు వేశారు. 2007లోనూ పార్టీ సభ్యత్వ నమోదు విషయమైన జరిగిన సమావేశంలో ఇటువంటి అంశాన్నే రాహుల్ ప్రస్తావించారు. ‘ఇక్కడ ఎవరు మందు తాగుతారు’ అంటూ రాహుల్ ప్రశ్నించారు. ఈ ప్రశ్నను ఊహించని సమావేశంలో పాల్గన్నవారు ఒకరి ముఖం ఒకరు చూసుకోగా.. పంజాబ్ పీసీసీ అధ్యక్షుడు నవజోత్ సింగ్ సిద్ధూ స్పందించారు. ‘మా రాష్ట్రంలో చాలా మంది మద్యం తాగుతారు’ అని సమాధానం ఇచ్చారు. ఈ పరిస్థితికి అనుగుణంగా సభ్యత్వం కోసం నిబంధనలలో మార్పు అవసరం అయినప్పటికీ అది ప్రస్తుతానికి సాధ్యం కాదు. ఈ నిబంధనలను మార్చే అధికారం కాంగ్రెస్ అత్యున్నత విధాన నిర్ణయాక మండలి వర్కింగ్ కమిటీకి మాత్రమే ఉంది. కాంగ్రెస్‌లో ఉన్నవారు మద్యం ముట్టరాదనే నిబంధనను మహాత్మా గాంధీ సూచించారు. ఇదే విషయాన్ని తన ఆత్మకథలోనూ రాశారు. రాహుల్ గాంధీ 2007లో కాంగ్రెస్ వర్కింగ్ కమిటీలో ఈ నియమానికి సంబంధించిన ఔచిత్యం. ఆచరణాత్మక అంశాన్ని ప్రశ్నించారు. నవంబరు 1 నుంచి పార్టీ సభ్వత్వ నమోదు కార్యక్రమం ప్రారంభం కానుండగా.. మరోసారి ఈ అంశం ప్రస్తావనకు వచ్చింది. సభ్యులు కొనసాగాలనుకునే వ్యక్తులు నమోదు పత్రంలోని వ్యక్తిగత డిక్లరేషన్‌గా మద్యం, మాదకద్రవ్యాలకు దూరంగా ఉండటం వంటి 10 పాయింట్లను జాబితాను పూర్తిచేయాల్సి ఉంటుంది. కొత్త సభ్యులు కూడా బహిరంగంగా పార్టీ విధానాలు, కార్యక్రమాలను ఎప్పుడూ విమర్శించకూడదని హామీ ఇవ్వాలి. మంగళవారం నాటి సమావేశం ముగిసిన తర్వాత సీనియర్ నేత రణదీప్ సూర్జేవాలా మీడియాతో మాట్లాడారు. పార్టీలో చేరేందుకు సంబంధించిన ఫారాలు ప్రింటెడ్, డిజిటల్ రూపంలో అందుబాటులో ఉంటాయని ఆయన మీడియాకు తెలిపారు. ‘దేశవ్యాప్తంగా కాంగ్రెస్‌లోని ప్రతి ఒక్కరికీ శిక్షణ కార్యక్రమాలు ఉంటాయి’ అని పేర్కొన్నారు. అంతేకాదు, నవంబరు 14 నుంచి దేశవ్యాప్తంగా క్షేత్రస్థాయిలో ఆందోళనలు ప్రారంభించనున్నట్టు రాహుల్ గాంధీ వెల్లడించారని సూర్జేవాలా వివరించారు.
By October 27, 2021 at 08:37AM
No comments