మంచు మోహన్ బాబు మరో సెన్సేషనల్ డిసిషన్.. తొలిసారి అలాంటి ప్రయత్నం

అగ్ర క‌థానాయ‌కులు, న‌టీన‌టులు నేటి త‌రం కుర్ర హీరోల‌కు గ‌ట్టిపోటీనే ఇస్తున్నారు. మారుతున్న ట్రెండ్‌ను ఫాలో అయిపోతున్నారు సీనియ‌ర్ స్టార్స్. ఇప్ప‌టికే సీనియ‌ర్ స్టార్స్‌లో నాగార్జున, వెంక‌టేశ్‌, బాల‌కృష్ణ వంటి వారు డిజిట‌ల్‌, బుల్లితెర‌ల‌పై సంద‌డి చేశారు. కాగా.. వీరి బాట‌లోకి మ‌రో సీనియ‌ర్ స్టార్ అడుగు పెడుతున్నారు. ఆయ‌నెవ‌రో కాదు.. మంచు మోహ‌న్‌బాబు. సినీ ఇండ‌స్ట్రీలో వినిపిస్తోన్న స‌మాచారం మేర‌కు మంచు మోహ‌న్‌బాబు ఓటీటీలోకి ఎంట్రీ ఇవ్వ‌బోతున్నారు. ప్ర‌ముఖ తెలుగు ఓటీటీ మాధ్య‌మం ఆహా ఈ మేర‌కు మోహ‌న్‌బాబుతో చర్చ‌లు జ‌రుపుతుంద‌ని టాక్ చ‌క్క‌ర్లు కొడుతుంది. అంతా ఓకే అయితే మోహ‌న్‌బాబుతో ఆహా యాజ‌మాన్యం టాక్‌షో ప్లాన్ చేస్తుందా? లేక వెబ్ సిరీస్ ఏమైనా ప్లాన్ చేస్తుందా? అనే విష‌యంపై క్లారిటీ వ‌స్తుంది. రీసెంట్‌గానే ఈ ఓటీటీ మాధ్య‌మంలో అన్‌స్టాప‌బుల్ అనే టాక్‌షో చేయ‌డానికి ఓకే చెప్పారు. దానికి సంబంధించిన చిత్రీక‌ర‌ణ కూడా జ‌రుగుతోంది. దీపావ‌ళి సంద‌ర్భంగా న‌వంబ‌ర్ 4 నుంచి ఆహాలో అన్‌స్టాప‌బుల్ టాక్‌షో ప్ర‌సారం కానుంది. ఇప్పుడు నిర్వాహ‌కులు తమ ఓటీటీకి మ‌రింత క్రేజ్ తీసుకు రావ‌డానికి మంచు మోహ‌న్‌బాబుని రంగంలోకి దించ‌డానికి స‌న్నాహాలు చేస్తుంది. ఇప్ప‌టికే ఎంద‌రో స్టార్స్‌తో ఈ మాధ్య‌మం ర‌క‌ర‌కాలైన ప్రోగ్రామ్స్ చేస్తూ వ‌స్తుంది. స‌మంత‌, త‌మ‌న్నా అమ‌లాపాల్‌, రాహుల్ విజ‌య్ వంటి వారితో డిఫ‌రెంట్ షోస్‌, వెబ్ సిరీస్‌ల‌ను ప్రేక్ష‌కుల ముందుకు తీసుకొచ్చిన ఆహా మాధ్య‌మంకు మ‌రి మోహ‌న్‌బాబు గ్రీన్ సిగ్న‌ల్ ఇస్తాడో లేదో తెలియాలంటే కొన్నిరోజులు ఆగాల్సిందే. ఆసక్తికరమైన విషయమేమంటే మోహన్ బాబు కుమార్తె, నటి మంచు లక్ష్మి ఆహాలో వంటల ప్రోగ్రామ్ ‘ఆహా భోజనంబు’కు హోస్ట్‌గా వ్యవహరించారు. మరి మోహన్ బాబు కూడా ఎంట్రీ ఇస్తారేమో చూడాలి. మ‌రోవైపు మోహ‌న్‌బాబు హీరోగా న‌టిస్తూ నిర్మిస్తోన్న స‌న్నాఫ్ ఇండియా చిత్రం షూటింగ్ ద‌శ‌లో ఉంది. త్వ‌ర‌లోనే ఆ సినిమా రిలీజ్ డేట్‌పై కూడా క్లారిటీ వ‌చ్చేస్తుంద‌ని సినీ వ‌ర్గాల స‌మాచారం. సీనియ‌ర్ స్టార్స్ లో నాగార్జున అక్కినేని ముందుగా సినిమాల నుంచి బుల్లితెర‌పై అడుగు పెట్టారు. బిగ్‌బాస్ షోకు వ్యాఖ్యాత‌గా చేయ‌డంతో పాటు, మీలో ఎవ‌రు కోటీశ్వ‌రుడు ప్రోగ్రామ్‌ను కూడా ఆయ‌నే హోస్ట్ చేశారు. మ‌రోవైపు రీసెంట్‌గానే విక్ట‌రీ వెంక‌టేశ్ త‌న అన్న త‌న‌యుడు రానా ద‌గ్గుబాటితో కలిసి ఓ వెబ్ సిరీస్‌లో న‌టిస్తున్నాడు. బాల‌య్య ఎంట్రీ కూడా వ‌చ్చేసింది. ఇక మిగిలించి మెగాస్టార్ చిరంజీవి మాత్ర‌మే. ఆయ‌న ఓటీటీ ఎంట్రీ ఉంటుందో ఉండ‌దో తెలియాలంటే వెయిటింగ్ త‌ప్ప‌దు.

By October 22, 2021 at 09:37AM

Read More https://telugu.samayam.com/telugu-movies/cinema-news/manchu-mohanbabu-ott-entry-soon-details-here/articleshow/87197782.cms