దాయాదికి మళ్లీ నిరాశ.. వచ్చే ఏడాది ఏప్రిల్ వరకూ గ్రే లిస్ట్‌లోనే!

గ్రే లిస్ట్ నుంచి బయటపడటానికి చేస్తున్న ప్రయత్నాలు మరోసారి విఫలమయ్యాయి. గత మూడేళ్లుగా ఈ జాబితాలో ఉన్న పాక్‌ను వచ్చే ఏడాది ఏప్రిల్ వరకూ కొనసాగించాలని నిర్ణయించారు. పారిస్‌లో జరిగిన మూడురోజుల ఫైనాన్షియల్ యాక్షన్ టాస్క్ ఫోర్స్ () సమావేశంలో ఈ మేరకు నిర్ణయం తీసుకున్నారు. తొలిసారిగా దాయాదిని జూన్ 2018లో గ్రే లిస్ట్‌లో చేర్చారు. అప్పటి నుంచి బయటకు రావడానికి ప్రయత్నిస్తున్న ప్రతిసారీ పాక్ విఫలమావుతూనే ఉంది. ఉగ్రవాద సంస్థలకు ఆర్థిక సాయం.. మనీ లాండరింగ్‌ను ఆపడంలో విఫలమైన కారణంగా పాకిస్తాన్ ను ఈ జాబితాలో చేర్చారు. గ్రే లిస్టు నుంచి పాక్ బయటపడాలంటే నిర్దేశించిన 34 పాయింట్ల కార్యాచరణ ప్రణాళికను పూర్తిచేయాల్సి ఉంది. అయితే, వీటిని పూర్తిస్థాయిలో నేరవేర్చడంలో పాక్ విఫలమయ్యింది. గతంలో 27 పాయింట్ల నిర్ణయించగా.. అందులో 21 మాత్రమే నేరవేర్చింది. వీటికి మరికొన్నింటిని జోడించి మొత్తం 34 పాయింట్లను నిర్దేశించారు. వీటిలో 30 పాయింట్లను పాక్ అందుకోగా.. మిగతా 4 సంగతి ఏంటని, వాటిని పూర్తిచేయాలని ఎఫ్ఏటీఎఫ్ స్పష్టం చేసింది. ఐక్యరాజ్యసమితి నిషేధిత ఉగ్రవాద సంస్థలు, నేతలపై పాక్ కంటితుడుపుగా చర్యలు తీసుకుంటోంది. మోస్ట్ వాంటెడ్ ఉగ్రవాదులు మౌలానా మసూద్ అజార్, హఫీజ్ సయీద్‌లపై ఎటువంటి చర్యలు తీసుకోకపోగా.. వేల మంది ఉగ్రవాదులను రికార్డుల నుంచి తప్పించింది. ‘ఐరాస గుర్తించిన మోస్ట్ వాంటెడ్ హఫీజ్ సయీద్, మసూద్ అజార్ వంటి ఉగ్రవాదులు.. వారి నేతృత్వంలోని గ్రూపులపై చర్య తీసుకుంటున్నట్లు ‘మరింత నిరూపించాల్సిన’ అవసరం ఉన్నందున ఎఫ్ఏటీఎఫ్ గ్రే లిస్ట్‌లో పాకిస్థాన్ కొనసాగుతుంది.. మూడు రోజుల పాటు వర్చువల్‌గా కొనసాగిన ఫైనాన్షియల్ యాక్షన్ టాస్క్ ఫోర్స్ (FATF) సమావేశంలో ఈ నిర్ణయం తీసుకున్నాం’ అని FATF అధ్యక్షుడు మార్కస్ ప్లెయర్ వెల్లడించారు. విషయంలో పాక్ ముఖ్యమైన చర్యలు తీసుకుంది.. కానీ, ఐరాస నిషేధిత తీవ్రవాద సంస్థలు, నేతలకు అందుతున్న నిధులు, సహకారం విషయంలో దర్యాప్తులు, విచారణలు చేపట్టాల్సి ఉంది.. ఈ మార్పులన్నీ ఉగ్రవాదాన్ని నిరోధించడానికి, అవినీతిని అరికట్టడానికి, వ్యవస్థీకృత నేరస్థులు తాము చేసిన నేరాల నుంచి లబ్ది పొందకుండా అడ్డుకోడానికి సహాయపడతాయి’ అని అన్నారు. ఇప్పటికే ఆర్థిక కష్టాల్లో ఉన్న దాయాది.. గ్రే లిస్ట్‌లో చేర్చడం వల్ల మరిన్న సమస్యలు తప్పవు. అంతర్జాతీయ ద్రవ్య నిధి (IMF), ప్రపంచ బ్యాంక్, ఆసియా అభివృద్ధి బ్యాంకు, యూరోపియన్ యూనియన్ నుంచి ఆర్థిక సహాయం పొందడంలో పాక్ ఇప్పటికే ఇబ్బందులను ఎదుర్కొంటోంది. ఇప్పుడు గ్రే లిస్ట్‌లో చేర్చడం మూలిగే నక్కపై తాటిపండు పడ్డట్టు మారుతుంది. టర్కీ, మలేషియా, చైనా మద్దతుతో పాక్ బ్లాక్ లిస్ట్‌లోకి వెళ్లకుండా ఆగిపోయింది.

By October 22, 2021 at 07:43AM

Read More https://telugu.samayam.com/latest-news/international-news/pakistan-fail-to-actions-against-terror-funding-to-remain-on-fatf-grey-list/articleshow/87196976.cms