Superstar Mahesh: మాట‌ల మాంత్రికుడితో మ‌హేశ్ మాట క‌లిపేదెప్పుడంటే?

టాలీవుడ్‌లో మాట‌ల మాంత్రికుడు అంటే ట‌క్కున గుర్తుకు వ‌చ్చేది త్రివిక్ర‌మ్ శ్రీనివాస్‌. ఈ స్టార్ డైరెక్ట‌ర్ త‌న త‌దుప‌రి చిత్రాన్ని మ‌హేశ్‌తో చేయ‌బోతున్న సంగ‌తి తెలిసిందే. త్వ‌ర‌లోనే త‌న‌తో సినిమా చేయ‌బోతున్న ఈ స్టార్ డైరెక్ట‌ర్‌తో సూప‌ర్‌స్టార్ మాట్లాడ‌టం లేదా ఏంటి? మ‌రి మాట క‌ల‌పటం ఏంటనే సందేహం రాక‌మాన‌దు. వివ‌రాల్లోకెళ్తే.. ప్ర‌స్తుతం మ‌హేశ్ త‌న స‌ర్కారువారిపాట చిత్రాన్ని పూర్తి చేయ‌డంలో బిజీగా ఉంటే, త్రివిక్ర‌మ్ శ్రీనివాస్ భీమ్లానాయ‌క్ సినిమాకు త‌న స‌హాయ స‌హ‌కారాల‌ను అందిస్తున్నాడు. వీరి కాంబినేష‌న్ మూవీ న‌వంబ‌ర్‌లో ప్రారంభం అవుతుంద‌ని వార్త‌లు వినిపిస్తున్నాయి. న‌వంబ‌ర్ లోప‌లే స‌ర్కారువారిపాట చిత్రాన్ని మ‌హేశ్ పూర్తి చేసేస్తాడ‌ట‌. త‌ర్వాతే త్రివిక్ర‌మ్‌తో చేతులు క‌ల‌ప‌బోతున్నాడు. హారిక అండ్ హాసిని క్రియేష‌న్స్ బ్యాన‌ర్‌పై రూపొంద‌నున్న ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. ఇప్ప‌టికే సినిమాలో న‌టించ‌బోయే ఇద్ద‌రు హీరోయిన్స్‌ను ఓకే చేశార‌ట‌. మెయిన్ హీరోయిన్‌గా పూజా హెగ్డే న‌టిస్తుంటే, మ‌రో హీరోయిన్ పాత్ర‌లో న‌భా న‌టేశ్ న‌టిస్తుంద‌ని టాక్ వినిపిస్తోంది. అత‌డు, ఖ‌లేజా చిత్రాల త‌ర్వాత మ‌హేశ్‌, త్రివిక్ర‌మ్ కాంబినేష‌న్‌లో 11 ఏళ్ల త‌ర్వాత రూపొందుతోన్న చిత్ర‌మిది. అల వైకుంఠ‌పుర‌ములో హిట్ త‌ర్వాత త్రివిక్ర‌మ్ శ్రీనివాస్, ఎన్టీఆర్‌తో సినిమా చేయాల్సింది. కానీ కొన్ని కార‌ణాల‌తో ప్రాజెక్ట్ ప‌క్క‌కు వెళ్లింది. దీంతో త్రివిక్ర‌మ్ ఇప్పుడు మ‌హేశ్‌తో సినిమా చేయ‌డానికి రెడీ అయిపోయాడు.

By September 07, 2021 at 10:24AM

Read More https://telugu.samayam.com/telugu-movies/cinema-news/super-star-mahesh-movie-with-trivikram-is-going-to-starting-on/articleshow/85998532.cms