సిద్ధార్థ్‌ మృతి..! సోషల్ మీడియాలో RIP సందేశాలు.. హీరో షాకింగ్ రియాక్షన్
రాను రాను సోషల్ మీడియా ప్రభావం బాగా పెరుగుతుండటం సెలబ్రిటీలకు ఎంతలా ఉపయోగపడుతుందో పలు సందర్భాల్లో అంతకంటే రెట్టింపు ఇబ్బందులు కూడా తెచ్చుపెడుతోంది. సామాజిక మాధ్యమాల వేదికగా తమ తమ సమాచారాలు పంచుకునే స్వేచ్ఛ ఉండటంతో కొన్ని సందర్భాల్లో అవగాహన లోపంతో తప్పుడు సమాచారాలు పోస్ట్ చేయడం, కొందరు ప్రముఖులను టార్గెట్ చేసి ట్రోల్ చేయడం లాంటివి జరుగుతున్నాయి. హీరో సిద్దార్థ్ విషయంలో మరోసారి ఇదే రిపీట్ అయింది. నిన్న (గురువారం) బుల్లితెర నటుడు, బిగ్‌బాస్‌ సీజన్‌ 13 విన్నర్ సిద్ధార్థ్‌ శుక్లా గుండెపోటుతో మరణించిన సంగతి తెలిసిందే. దీంతో సోషల్ మీడియాలో రిప్‌ సిద్ధార్థ్‌ అనే సందేశాలు వెల్లువెత్తాయి. పలువురు నెటిజన్లు, సినీ ప్రముఖులు ఆయన మృతి పట్ల సంతాపం వ్యక్తం చేశారు. అయితే కొందరు మాత్రం సిద్ధార్థ్‌ శుక్లా ఫొటోకి బదులు ఫొటోని షేర్‌ చేస్తూ 'రిప్‌ సిద్ధార్థ్‌' అని కామెంట్స్ చేశారు. ఇది సిద్దార్థ్ దృష్టికి రావడంతో సదరు ఫొటోను ట్విట్టర్‌లో పోస్ట్ చేస్తూ ఆయన షాకింగ్ రియాక్షన్ ఇచ్చారు. ఎవరో కొందరు తనను కావాలనే ఇలా వేధిస్తున్నారని, ద్వేషిస్తున్నారని ఆవేదన వ్యక్తం చేశారు. గతంలో కూడా హీరో సిద్దార్థ్ విషయంలో ఇలాంటి చేదు అనుభవమే ఎదురైంది. యంగ్ ఏజ్‌లో మరణించిన సౌత్‌ ఇండియాకు చెందిన 10 మంది తారలు అంటూ ఓ వీడియో అప్‌లోడ్‌ కాగా.. ఈ వీడియో థంబ్‌నైల్‌పై హీరోయిన్స్ ఆర్తి అగర్వాల్‌, సౌందర్య ఫొటోలతో పాటు హీరో సిద్దార్థ్ ఫొటో కూడా వేశారు. ''బాయ్స్, నువ్వుస్తానంటే నేనొద్దంటానా'' సినిమాలతో ఒకానొక సమయంలో యూత్ ఆడియన్స్‌ని ఆకర్షించి తనకంటూ ఫ్యాన్ బేస్ కూడగట్టుకున్న సిద్దార్థ్.. కొంత గ్యాప్ తర్వాత తిరిగి కెమెరా ముందుకొచ్చాడు. ‘మహా సముద్రం’ సినిమాతో మరోసారి ప్రేక్షకుల ముందుకు రాబోతున్నాడు. Rx 100 ఫేమ్ అజయ్ భూపతి రూపొందిస్తున్న ఈ సినిమాలో శర్వానంద్ మరో హీరోగా నటిస్తున్నాడు. ఇప్పటికే విడుదలైన ‘మహా సముద్రం’ అప్‌డేట్స్ సినిమాపై హైప్ పెంచేశాయి.
By September 03, 2021 at 07:58AM
No comments