Nabha Natesh: ఆమెతో పోలుస్తారేమోనని భయపడ్డా.. మహేష్ బాబుతో సినిమాపై ఇస్మార్ట్ బ్యూటీ క్లియర్ హింట్
బాలీవుడ్‌ బ్లాక్‌ బస్టర్‌ మూవీ `అంధాదున్` తెలుగు రీమేక్ '' సిద్ధమైంది. మేర్లపాక గాంధీ దర్శకత్వంలో రూపొందిన ఈ సినిమాలో నితిన్ హీరోగా నటించగా ఆయన సరసన , హీరోయిన్లుగా నటించారు. నితిన్ సొంత నిర్మాణ సంస్థ 'శ్రేష్ఠ్ మూవీస్' బ్యానర్‌పై రూపొందిన ఈ సినిమాకు నితిన్ తండ్రి సుధాకర్ రెడ్డి, సోదరి నిఖితా రెడ్డి నిర్మాతలుగా వ్యవహరిస్తున్నారు. మహతి స్వరసాగర్ సంగీతం అందిస్తున్నారు. ఈ చిత్రాన్ని ఓటీటీ వేదిక హాట్ స్టార్‌లో సెప్టెంబర్ 17న రిలీజ్ చేస్తున్నారు. ఈ నేపథ్యంలో చిత్ర ప్రమోషన్స్ వేగవంతం చేసింది యూనిట్. ఇందులో భాగంగా వరుస ఇంటర్వూస్‌లో పాల్గొంటున్న ఇస్మార్ట్ హీరోయిన్ నభా నటేష్ తాజా ఇంటర్వ్యూలో సినిమా గురించిన విశేషాలతో పాటు తన కెరీర్ సంగతులపై ఓపెన్ అయింది. `అంధాదున్` మూవీ ఇండియన్ సినిమాకే టర్నింగ్ పాయింట్ అనిపించిందని, ఇలాంటి సినిమాలో తనకు అవకాశం రావడం గొప్పగా ఫీల్ అవుతున్నానని చెప్పింది నభా. ఈ కథాంశాన్ని తెలుగు ప్రేక్షకులు ఆదరిస్తారనే నమ్మకం ఉందని చెప్పిన ఆమె.. మాతృకలో రాధికా ఆప్టే నటనకు ప్రశంసలు దక్కాయి. ఆ స్థాయిలో తాను నటించగలనా అని భయపడ్డానని చెప్పుకొచ్చింది. సినిమా ప్రారంభానికి ముందు మాతృక చూశా కానీ ఈ రీమేక్ షూటింగ్ స్టార్ట్ అయ్యాక చూడలేదని, తన స్టైల్‌లో తాను ఈ పాత్రకు న్యాయం చేశానని తెలిపింది. ఇకపోతే భవిష్యత్‌లో మరిన్ని జానర్స్‌లో సినిమాలు చేస్తానని చెప్పిన నభా.. లేడీ ఓరియెంటెడ్ సినిమాలతో కూడా అలరిస్తానని తెలిపింది. నటిగా తనను తాను కొత్త పంథాలో ఆవిష్కరించుకోవాలనే లక్ష్యంతో ముందుకెళ్తున్నానని చెప్పుకొచ్చింది. ఇంటర్వ్యూలో భాగంగా మహేష్- త్రివిక్రమ్ కాంబోలో రాబోతున్న సినిమాలో నటిస్తున్నారా? లేదా అని ప్రశ్నించగా అది తాను చెప్పలేనని, అధికారికంగా వాళ్ళే చెప్పాలని అంటూ చిన్న హింట్ ఇచ్చేసింది నభా నటేష్.
By September 13, 2021 at 06:54AM
No comments