Breaking News

Vishal: విశాల్ సామాన్యుడు కాదు.. పుట్టినరోజున అదిరిపోయే సర్‌ప్రైజ్


హీరో యాక్టింగ్ గురించి ప్రత్యేకంగా చెప్పాల్సిన అవసరం లేదు. వైవిద్యభరితమైన పాత్రలతో తనకంటూ ప్రత్యేక గుర్తింపు తెచ్చుకున్న ఈ హీరో తమిళ భాషా ప్రేక్షకులతో పాటు తెలుగు ప్రేక్షకులను సైతం ఆకర్షించారు. విశాల్ నటించిన ఎన్నో చిత్రాలను తెలుగులోకి డబ్ చేసి అన్ని వర్గాల ప్రేక్షకుల మన్ననలు పొందారు. ఇప్పటికే తన కెరీర్‌లో 30 సినిమాలు ఫినిష్ చేసిన ఆయన, ప్రస్తుతం 31వ సినిమాతో బిజీగా ఉన్నారు. తాజాగా నేడు (ఆగస్టు 29) విశాల్ పుట్టినరోజు సందర్భంగా ఈ సినిమా నుంచి అదిరిపోయే సర్‌ప్రైజ్ ప్రేక్షకుల ముందుంచారు. విశాల్ లేటెస్ట్ మూవీ తెలుగు టైటిల్ '' అని తెలుపుతూ ఈ సినిమా ఫస్ట్ లుక్ పోస్టర్ విడుదల చేశారు. 'నాట్ ఏ కామన్ మ్యాన్' అనేది ఈ సినిమాకు ట్యాగ్ లైన్. ఇంటెన్సివ్ యాక్షన్ డ్రామాగా ప్రేక్షకుల ముందుకు రాబోతున్న ఈ సినిమాకు నూతన దర్శకుడు తు పా శరవణన్ దర్శకత్వం వహిస్తున్నారు. తాజాగా విడుదలైన ఫస్ట్ లుక్ పోస్టర్‌లో బేస్‌బాల్ బ్యాట్‌తో రౌడీల బ్యాచ్‌ని విశాల్ చితక్కొడుతున్నట్లుగా కనిపించారు. ఈ పవర్‌ఫుల్ లుక్ సినిమాపై అంచనాలు క్రియేట్ చేసింది. ఈ చిత్రంలో చిత్రంలో టాలీవుడ్ బ్యూటీ డింపుల్ హయతి హీరోయిన్‌గా నటిస్తోంది. కోలీవుడ్ నటులు యోగి బాబు, బాబురాజ్ జాకబ్, పిఎ తులసి, రవీనా రవి కీలక పాత్రలు పోషిస్తున్నారు. యువన్ శంకర్ రాజా సంగీతం అందిస్తున్నారు. విశాల్‌ ఫిలిం ఫ్యాక్ట‌రి బ్యానర్‌పై ఎంతో ప్రతిష్టాత్మకంగా రూపొందిస్తున్నారు. అతిత్వరలో ఈ మూవీ రిలీజ్ డేట్ అనౌన్స్ చేయనున్నారు.


By August 29, 2021 at 11:11AM


Read More https://telugu.samayam.com/telugu-movies/cinema-news/vishal-31-samanyudu-first-look-released/articleshow/85732326.cms

No comments