Breaking News

Nagababu: అందుకు ప్రధాన కారణం నా సోదరులే.. మెగా బ్రదర్స్‌పై నాగబాబు కామెంట్స్ వైరల్


మెగా ఫ్యామిలీలో శైలి చాలా ప్రత్యేకం అని చెప్పుకోవచ్చు. ఓ వైపు సినిమాల్లో రారాజుగా వెలిగిపోతుంటే.. మరోవైపు పవన్ కళ్యాణ్ సినీ, రాజకీయ జీవితాన్ని బ్యాలెన్స్ చేసుకుంటూ దూసుకుపోతున్నారు. ఇక వీళ్ళదిరినీ ఎంతో ప్రేమించే నాగబాబు మెగా కుటుంబంపై ఏ చిన్న విమర్శ వచ్చినా తనదైన శైలిలో తిప్పికొడుతుండటం చూస్తున్నాం. మరి ఈ ముగ్గురూ ఒకే ఫ్రేమ్‌లో కనిపిస్తే ఆ కిక్కు ఎలా ఉంటుందో ప్రత్యేకంగా చెప్పాల్సిన అవసరం లేదు. అలాంటి అద్భుతమైన సందర్భం మెగాస్టార్ చిరంజీవి పుట్టినరోజున మరోసారి రావడంతో మెగా లోకమంతా ఫిదా అయింది. చిరంజీవి పుట్టిన రోజు సందర్భంగా ఆయన సోదరులు నాగబాబు, పవర్‌స్టార్ ఆయన్ని కలిశారు. ప్రేమగా బర్త్ డే విషెస్ చెప్పి చిరంజీవి ఇంట్లో సరదాగా గడిపారు. ఈ సందర్భంగా దిగిన మెగా ఫ్రేమ్‌ని తన సోషల్ మీడియా ఖాతాలో షేర్ చేసిన నాగబాబు.. మెగా బ్రదర్స్‌ని ఉద్దేశిస్తూ ఎమోషనల్ కామెంట్స్ చేశారు. దీంతో చూడటానికి కన్నుల పండగగా ఉన్న ఈ ఫొటో, నాగబాబు పెట్టిన ఈ పోస్ట్ నెట్టింట వైరల్‌గా మారాయి. ''నా ప్రతి మైలులో మరిన్ని చిరునవ్వులు నింపడానికి.. ప్రతి క్షణంలో మ్యాజిక్ సంజీవంగా ఉండడానికి కారణం నా బ్రదర్స్ చిరంజీవి, పవన్ కళ్యాణ్. వీళ్ళే నా బలం.. నా జీవితం'' అంటూ అన్నదమ్ములపై ఉన్న ప్రేమను బయటపెట్టారు నాగబాబు. చిరు పుట్టినరోజు, రాఖీ పండుగ ఒకే రోజు రావడంతో మెగా ఇంట సంబరాలు మిన్నంటాయి. ఈ వేడుకలో పవన్ కళ్యాణ్ స్పెషల్ అట్రాక్షన్ కాగా.. తమ్ముడు పవన్‌కి అన్నయ్య చిరంజీవి ప్రేమతో ముద్దు పెట్టడం మెగా అభిమానుల్లో ఎనలేని ఆనందం నింపింది. ప్రస్తుతం ఇటు చిరు, అటు పవన్ వరుస సినిమాలతో బిజీగా ఉన్నారు.


By August 25, 2021 at 10:05AM


Read More https://telugu.samayam.com/telugu-movies/cinema-news/nagababu-shared-mega-frame-and-reacted-emotionally/articleshow/85614974.cms

No comments