Breaking News

మంచు బ్రదర్స్ నడుమ గొడవలు.. గత కొన్ని రోజులుగా పరిస్థితి! విష్ణు షాకింగ్ రియాక్షన్


తెలుగు చిత్రసీమలో మంచు ఫ్యామిలీ అంటే ఓ ప్రత్యేకమైన గుర్తింపు ఉంది. సీనియర్ హీరో, లెజెండరీ నటుడు మోహన్ బాబు కుటుంబంతో ఇండస్ట్రీలోని ఎంతో మందికి సన్నిహిత సంబంధాలున్నాయి. నటుడిగా కెమెరా ముందు ఎన్నో వేషాలు వేసి మెప్పించిన మోహన్ బాబు నిర్మాతగా కూడా సత్తా చాటారు. అయితే ప్రస్తుతం ఆయన ఫీల్డ్‌లో ఉండగానే మంచువారి నట వారసులుగా ఇద్దరు కొడుకులు విష్ణు, మనోజ్‌లతో పాటు కూతురు లక్ష్మి కూడా కెమెరా ముందుకొచ్చి ఎంటర్‌టైన్ చేస్తున్నారు. మంచు వారి వారసులుగా, టాలీవుడ్ హీరోలుగా తమకంటూ గుర్తింపు తెచ్చుకున్న ఈ సోదరుల పర్సనల్ వ్యవహారాలపై గత కొన్ని రోజులుగా కొన్ని వార్తలు షికారు చేస్తున్నాయి. వ్యక్తిగత కారణాల వల్ల మంచు వారసుల మధ్య చెడిందని, ఆ ఇద్దరికీ పడటం లేదని చెప్పుకున్నారు. ఈ నేపథ్యంలో తాజాగా ఓ టీవీ షోలో పాల్గొన్న దీనిపై సీరియస్ రియాక్షన్ ఇచ్చారు. 'ఆలీతో సరదాగా' ప్రోగ్రాంలో సెలబ్రిటీలను సరదాగా ఇంటర్వ్యూ చేస్తూ వారి వారి పర్సనల్ విషయాలు కూడా రాబట్టే ఆలీ.. రీసెంట్‌గా మంచు విష్ణును ఇంటర్వ్యూ చేసి చాలా విషయాలను బయటపెట్టించారు. తాజాగా ఇందుకు సంబంధించిన ప్రోమో రిలీజ్ అయింది. నీకు, మనోజ్‌కి పడటం లేదట. మనోజ్‌పై చాలా కోపంగా ఉంటున్నావంటూ కొన్ని వార్తలు వచ్చాయి. అందులో నిజమెంత? వాటి గురించి నువ్వే చెప్పాలంటూ విష్ణుని అడిగారు ఆలీ. దీనిపై రియాక్ట్ అయిన మంచు విష్ణు.. వేసుకున్న కోటు విప్పేస్తూ సీరియస్ అయ్యాడు. పర్సనల్ విషయాలు వాళ్లకెందుకు? ఎందుకు చెప్పాలి వాళ్లకు సమాధానం అంటూ కోపంగా సీటులోంచి లేచి నిలబడ్డాడు. దీంతో ఈ షోకు సంబంధించిన ప్రోమో వైరల్ కావడమే గాక ఈ ఇష్యూ జనాల్లో చర్చనీయాంశం అయింది.


By August 19, 2021 at 08:53AM


Read More https://telugu.samayam.com/telugu-movies/cinema-news/alitho-saradaga-manchu-vishnu-shocking-reaction-on-his-family-issue/articleshow/85446221.cms

No comments