రెండు నెలల కిందట భారత్‌లో మాయం.. నేడు తాలిబన్లతో.. నెట్టింట ఫోటో వైరల్!
భారత్‌కు పర్యాటక వీసాపై వచ్చిన పదేళ్లు అక్రమంగా ఇక్కడ ఉన్న అఫ్గనిస్థాన్‌ యువకుడు.. తాజాగా తాలిబన్లతో కలిసి ప్రత్యక్షమయ్యాడు. తుపాకీ పట్టుకుని, తాలిబన్ల పక్కన ఉన్న అతడి ఫొటో ప్రస్తుతం సోషల్ మీడియాలో వైరల్ అవుతోంది. మహారాష్ట్రలోని నాగ్‌పూర్లో అక్రమంగా నివసిస్తున్న అఫ్గన్ యువకుడు నూర్ మహ్మద్ అజీజ్ (30)ను రెండు నెలల కిందట దేశం నుంచి వెళ్లగొట్టారు. గత పదేళ్లుగా నాగ్పూర్లోని దిఘోరీలో అక్రమంగా ఉంటున్న నూర్ మహ్మద్ అజీజ్‌ను నిఘా వర్గాల సమాచారంతో పోలీసులు ఈ ఏడాది జూన్ 16న అదుపులోకి తీసుకున్నారు. జూన్ 23న అతడిని అఫ్గనిస్థాన్కు పంపేయగా.. ప్రస్తుతం నూర్ తాలిబన్లతో కలిసిన ఫొటో ఒకటి వెలుగులోకి వచ్చింది. అఫ్గన్ వెళ్లిన తర్వాత నూర్ మహ్మద్ తాలిబన్లలో కలిసిపోయి ఉండొచ్చని నాగ్‌పుర్‌కు చెందిన సీనియర్ పోలీసు అధికారి ఒకరు వెల్లడించారు. నూర్ 2010లో పర్యాటక వీసాపై భారత్‌కు వచ్చినట్టు దర్యాప్తులో వెల్లడయ్యిందని ఆయన తెలిపారు. తనను శరణార్థిగా గుర్తించాలని నూర్ మహ్మద్ అజీజ్ చేసిన దరఖాస్తు, అప్పీలును ఐక్యరాజ్యసమితి మానవ హక్కుల కమిషన్ తిరస్కరించింది. అప్పటి నుంచి అతడు అక్రమంగా నాగ్పుర్లోనే ఉన్నాడని పోలీస్ అధికారి వెల్లడించారు. నూర్ అసలు పేరు అబ్దుల్ హకీ అని.. అతడి సోదరుడు చాలా కాలం నుంచి తాలిబన్లతో కలిసి పనిచేస్తున్నాడని మరో అధికారి వివరించారు. అతడిని అదుపులోకి తీసుకున్న సమయంలో ఎడమ భుజంలో బుల్లెట్ గాయాలను పోలీసులు గుర్తించారు. సోషల్ మీడియాలో పలువురు ఉగ్రవాదులను అతడు అనుసరించినట్లు వెల్లడించారు. అంతేకాదు, అతడి వద్ద నుంచి తాలిబన్లకు సంబంధించిన వీడియోలను స్వాధీనం చేసుకున్నారు. ఉగ్రవాద కార్యకలాపాలకు పాల్పడుతున్నాడనే ఆరోపణలతో పోలీసులు అరెస్ట్ చేసి, విచారించారు. జూన్ 23న అఫ్గన్‌కు పంపేసిన నూర్.. తాలిబన్లతో కలిసి ఉన్న ఫోటోలు వైరల్ కావడంతో కేంద్ర నిఘా సంస్థలు ఇంటెలిజెన్స్ విభాగానికి సమాచారం ఇచ్చాయి. దీనిపై .. నాగపూర్ పోలీస్ స్పెషల్ బ్రాంచ్ డీసీపీ బసవరాజ్ మాట్లాడుతూ.. సమాచారం చెప్పడానికి నిరాకరించారు. ‘వైరల్ ఫోటోలోని వ్యక్తి నూర్ మహ్మద్ అనేనా.. నిర్ధారించడానికి ఈ శాఖకు ఎలాంటి యంత్రాంగం లేదు. అయితే, ఆ అవకాశాన్ని పోలీసులు తోసిపుచ్చలేదు.
By August 21, 2021 at 08:24AM
No comments