కాలేజీ అమ్మాయి వెంటపడ్డ జబర్దస్త్ కమెడియన్.. తీవ్ర గాయాలతో గెటప్ శీను!! వీడియో వైరల్
గత ఏడెనిమిదేళ్ళుగా ఎక్కడా వెనక్కి తగ్గకుండా ప్రేక్షకులను కడుపుబ్బా నవ్విస్తున్న జబర్దస్త్ వేదిక ఎంతో మందికి లైఫ్ ఇచ్చింది. జబర్దస్త్‌ను వేదికగా చేసుకొని తమ టాలెంట్ బయటపెట్టిన కుర్రోళ్ళు చాలామంది సినిమాల్లో ఛాన్సులు పట్టేస్తున్నారు. ఇప్పటికే కొందరు జబర్దస్త్ కమెడియన్స్ వెండితెరపై హీరోలుగా ఎదిగారు కూడా. ''త్రీ మంకీస్, సాఫ్ట్‌వేర్ సుధీర్'' అంటూ సుడిగాలి సుధీర్ తన లక్‌ పరీక్షించుకోగా.. ఇప్పుడు అదే బాటలో వెళ్తున్నాడు. '' అనే సినిమాతో గెటప్ శీను హీరోగా తెలుగు ప్రేక్షకుల ముందుకు రాబోతున్నాడు. సాయి వ‌రుణ‌వి క్రియేష‌న్స్ బ్యాన‌ర్‌పై ప్ర‌శాంత్ రెడ్డి నిర్మిస్తోన్న ఈ సినిమా షూటింగ్ గత కొన్ని నెలల క్రితం ప్రారంభమైంది. 'నీది నాది ఒకే క‌థ', 'విరాట‌ప‌ర్వం' చిత్రాల‌కు చీఫ్ అసోసియేట్ డైరెక్ట‌ర్‌గా ప‌నిచేసిన కృష్ణ‌మాచారి ఈ సినిమాకు ద‌ర్శ‌క‌త్వం వ‌హిస్తున్నారు. గెటప్ శీనుకి జోడీగా అంకిత కరత్ నటిస్తోంది. హర్షవర్థన్‌ రామేశ్వర్‌ సంగీతం అందిస్తున్నారు. అటు షూటింగ్ చేస్తూనే ఇటు చిత్ర ప్రమోషన్స్ చేస్తున్న యూనిట్ సభ్యులు.. తాజాగా 'రాజుయాదవ్' అఫీషియల్ మేకింగ్ వీడియో అంటూ ఓ వీడియో క్లిప్ రిలీజ్ చేశారు. ఓ అమ్మాయి వయ్యారంగా నడుచుకుంటూ కాలేజ్‌కి వెళ్తుంటే స్వీటీ.. స్వీటీ అంటూ గెటప్ శీను పరుగెత్తుకుంటూ రావడం ఈ వీడియోలో చూడొచ్చు. అలాగే తీవ్ర గాయాలతో కనీసం నిలబడలేని పరిస్థితుల్లో ఉన్న గెటప్ శీనును చూపించి సినిమాపై ఒకింత ఆసక్తి నెలకొల్పారు. ప్రస్తుతం ఈ వీడియో నెట్టింట వైరల్ అవుతోంది. సినిమాల్లో హీరోగా సక్సెస్ కావడమనేది అంత ఈజీ కాదు. హీరోకు తగ్గ కంటెంట్ దొరకాలి, అందులో ఆ హీరో లీనమైపోవాలి. అప్పుడే హీరోగా జనాల్లో గుర్తింపు వస్తుంది. మరి ఈ 'రాజుయాదవ్' అలాంటి కంటెంట్‌తోనే వస్తున్నాడా? అనేది చూడాలి మరి!.
By August 20, 2021 at 08:48AM
No comments