Rakul Preet : రకుల్ ప్రీత్‌లో భారీ మార్పులు.. శరీరాకృతిపై నెటిజన్ల కామెంట్లు
కెరీర్ ప్రారంభంలో ఎలా ఉంది? ఇప్పుడు ఎలా ఉంది? అనే విషయాన్ని ప్రత్యేకంగా చెప్పనక్కర్లేదు. జీరో సైజ్‌లోకి మారాలని కంకణం కట్టుకున్న రకుల్ మరీ బక్కగా తయారయ్యారు. రకుల్ శరీర మార్పులపై ఎంతటి ట్రోలింగ్ వచ్చినా సరే తన డైటింగ్, వ్యాయామాలను మాత్రం మారడం లేదు. ఒకప్పుడు ఉన్న రకుల్ ఎంతో మంది ఇష్టపడేవారు. కానీ ఇప్పుడు రకుల్ మరీ సన్నగా తయారైపోయారు. నిత్యం జిమ్‌లోనే గడిపే రకుల్ వర్కవుట్ల మీదే ఎక్కువగా దృష్టి పెడుతుంటారు. అలాంటి రకుల్ తాజాగా ఓ ఫోటో షూట్ చేశారు. ఇక ఇందులో రకుల్ మొహం మరీ వింతగా కనిపించడం, అంత సన్నగా అవ్వడంతో అందరూ షాక్ అవుతున్నారు. రకరకాల కామెంట్లతో రకుల్‌ను ఆడేసుకుంటున్నారు. ఇంకా నీ డైట్ ఆపడం లేదా? వ్యాయామాలు చేయడం ఇకనైన కాస్త తగ్గించు.. మరీ ఇంత సన్నగా అయ్యావేంటి? అంటూ రకుల్ ఫోటోల మీద కామెంట్లు పెడుతున్నారు. రకుల్ ఫిట్ నెస్ సంగతి ఎలా ఉన్నా కూడా సినిమా ఛాన్సులు మాత్రం భారీగానే వస్తున్నాయి. బాలీవుడ్‌లో వరుస ప్రాజెక్ట్‌లతో బిజీగా ఉన్నారు. ఇక తమిళంలోనూ కొన్ని సినిమాలు చేతిలో ఉన్నాయి. అయితే తెలుగులో మాత్రం ఒక్క ప్రాజెక్ట్ కూడా లేదు. దీంతో తెలుగులో రకుల్ పని అయిపోయింది అంటూ రాసిన కథనాల మీద చురకలు వేశారు. ఏడాదిలో ఆరు చిత్రాలు చేస్తున్నా ఇంకా డేట్స్ అడ్జస్ట్ చేసే టీం ఎక్కడైనా ఉంటే నాకు చెప్పండి అని కౌంటర్ వేశారు. డేట్స్ అడ్జస్ట్ కాలేకపోవడంతోనే తెలుగులో ప్రాజెక్ట్‌లను ఒప్పుకోవడం లేదని రకుల్ చెప్పకనే చెప్పేశారు.
By July 18, 2021 at 10:27AM
No comments