భర్త చనిపోయిన 14 నెలల తర్వాత బిడ్డకు జననం.. వచ్చే ఏడాది మరో బిడ్డను కనడానికి మహిళ సాహసం

భర్త మరణించిన 14 నెలల తర్వాత ఓ మహిళ బిడ్డకు జన్మనిచ్చిన అరుదైన ఘటన అమెరికాలో చోటుచేసుకుంది. భద్రపరిచిన పిండం ద్వారా ఆమె మగబిడ్డకు జన్మనిచ్చింది. వివరాల్లోకి వెళితే అమెరికాలోని ఓక్లహామాకు చెందిన సారా షెలెన్‌బెర్గర్ (40) అనే మహిళ చనిపోయిన భర్త కోరిక మేరకే ఈ సాహసం చేసినట్లు తెలిపింది. తన పిల్లలకు తండ్రి లేని లోటు తెలియకుండా చూసుకుంటానని పేర్కొంది. ఉపాధ్యాయురాలిగా పనిచేసే సారా షెలెన్‌ బెర్గర్‌కు 2018 సెప్టెంబర్‌లో స్కాట్‌ (41)తో వివాహం జరిగింది. కానీ, వీరి అనోన్య దాంపత్యం చూసి దేవుడికి కన్నుకుట్టిందో ఏమో.. ఏడాదిన్నరకే ఎడబాటును ప్రసాదించాడు. గతేడాది ఫిబ్రవరిలో స్కాట్‌ గుండెపోటుతో మరణించాడు. గతంలో ఒకసారి స్కాట్‌ గుండెపోటుకు గురికావడంతో భద్రపరిచిన పిండాలు () ద్వారా పిల్లల్ని కనాలని దంపతులు అప్పుడే నిర్ణయించుకున్నారు. గతేడాది ఫిబ్రవరిలో స్కాట్‌కు మరోసారి గుండెపోటు రావడంతో మృతిచెందాడు. భర్త మరణించిన ఆరు నెలల అనంతరం.. బార్బడోస్ ఫెర్టిలిటీ క్లినిక్‌ సహకారంతో సారా గర్బం దాల్చింది. ఈ పద్ధతిలో మరో పిండం భద్రపరిచి ఉందని, వచ్చే ఏడాది చివరి నాటికి రెండో బిడ్డను కనేందుకు ఆసక్తిగా ఎదురుచూస్తున్నట్లు ఆమె తెలిపింది. ‘మేం కనీసం ముగ్గురు పిల్లల్ని కనాలని భావించాం.. బిడ్డ పుట్టినప్పటి నుంచి నా జీవితానికి ఒక అర్థం లభించింది.. చిన్నారి రాకతో నా మాతృ హృదయం సంతృప్తి చెందింది. బిడ్డను గుండెలకు హత్తుకోవడం గొప్ప అనుభవాన్ని ఇస్తోంది.. నా పిల్లలకు తండ్రిలేని లోటు లేకుండా పెంచుతా’ అని ఆత్మవిశ్వాసంతో చెబుతోంది. ‘నాకు మరో అవకాశం లేదు.. వాళ్లు నా పిల్లలు.. గర్బం దాల్చి వారిని ఈ ప్రపంచంలోని తీసువస్తాను.. పుట్టబోయే పిల్లల కోసం మా ఇద్దరం పేర్లను కూడా సిద్ధం చేశాం.. మగబిడ్డ పుట్టబోతున్నట్టు నాకు క్రిస్టమస్ ముందే తెలిసింది’ అని అన్నారు. సారా ఆ చిన్నారిని ముద్దుగా ‘గుడ్‌ మెడిసిన్’ అని పిలుచుకుంటోంది. ‘తండ్రి కావాలని తీవ్రంగా కోరుకున్న స్కాట్ చాలా సంతోషంగా ఉండేవాడు.. అంతా కలిసి ఒక కుటుంబం కావాలన్నది ఆయన కల.. ఈ విషయంలో మేం ఎంతో ప్లాన్ చేసుకున్నాంం.. పిండ ప్రక్రియ కోసం లిఖితపూర్వకంగా భాగస్వాముల్లో ఒకరు మరణిస్తే వాటితో ఏమి చేయాలో నిర్ణయించుకున్నాం.. జీవిత భాగస్వామి కోరిక మేరకు సరైనది చేస్తామని పరస్పరం అంగీకారానికి వచ్చాం’ అని మని’ సారా చెప్పారు. మే 3న చిన్నారి ఈ లోకంలోకి వచ్చాడని సంతోషం వ్యక్తం చేసింది.

By July 22, 2021 at 08:38AM

Read More https://telugu.samayam.com/latest-news/international-news/us-woman-sarah-gives-birth-after-14-months-of-husbands-death/articleshow/84626741.cms