Breaking News

అతి తీవ్ర తుఫానుగా తీరం తాకిన Yaas.. బెంగాల్, ఒడిశాలో బీభత్సం


బంగాళాఖాతంలో ఏర్పడిన అతి తీవ్ర తుఫాను ‘యాస్’.. ఒడిశాలోని ధమ్రా వద్ద తీరాన్ని తాకింది. అతి తీవ్ర తుఫానుగానే తీరం దాటుతుండటంతో ధమ్రా, పారదీప్ ప్రాంతాల్లో భీకర గాలులతో కూడిన భారీ వర్షం కురుస్తోంది. చాందీపూర్, బాలాసోర్ జిల్లాల్లోనూ ఈదురు గాలులతో కూడిన భారీ వర్షాలు కురుస్తున్నాయి. బెంగాల్‌లోని పూర్వ మెదినీపూర్ జిల్లాల్లో సముద్రం అల్లకల్లోలంగా మారింది. దిఘా వద్ద సముద్రపు నీరు రోడ్డుపైకి చొచ్చుకొచ్చింది. గంటలకు 130 నుంచి 150 కిలోమీటర్ల వేగంతో బలమైన గాలులు వీస్తున్నాయి. ఉదయం 9.30 గంటలకు మొదలైన తీరం దాటే ప్రక్రియ మూడు గంటల పాటు కొనసాగుతుందని ఐఎండీ తెలిపింది. తర్వాత తీవ్ర తుఫానుగా మారి ఝార్ఖండ్ వైపు పయనిస్తుందని పేర్కొంది. కోల్‌కతాలోనూ తుఫాను ప్రభావం ఉద్ధృతంగా ఉంది. గత రెండు రోజులుగా సెక్రెటేరియట్‌లోని ఉండి బెంగాల్ ముఖ్యమంత్రి మమతా బెనర్జీ తుఫాను పరిస్థితిని పర్యవేక్షిస్తున్నారు. ఒడిశాలోని ధమ్రా వద్ద తీరం దాటుతున్న .. గురువారం ఉదయానికి ఝార్ఖండ్‌కు చేరుతుందని ఐఎండీ హెచ్చరించింది. దీని ప్రభావంతో గత 24 గంటల్లో భారీ నుంచి అతిభారీ వర్షాలు కురుస్తాయని తెలిపింది. ఒడిశా తీర ప్రాంతంలో అతిభారీ వర్షాలు కురిస్తాయని ఐఎండీ హెచ్చరించింది. రేపు, ఎల్లుండి బిహార్, పశ్చిమ్ బెంగాల్, సిక్కిమ్‌లో భారీ నుంచి అతి భారీ వర్షాలు కురుస్తాయని పేర్కొంది. ఒడిశా, పశ్చిమ బెంగాల్‌లోని పలు జిల్లాలపై తుఫాను ప్రభావం చాలా తీవ్రంగా ఉంటుందన్న ఐఎండీ హెచ్చరికలతో ముందస్తు జాగ్రత్త చర్యలు చేపట్టారు. ఒడిశా, బెంగాల్‌లోని తుఫాను ప్రభావిత తీర ప్రాంతా జిల్లాల నుంచి 20 లక్షల మందిని సురక్షిత ప్రాంతాలకు తరలించారు. ఇప్పటి వరకూ 11 లక్షల మంది సురక్షిత ప్రాంతాలకు తరలించిన బెంగాల్ సీఎం ప్రకటించగా.. ఒడిశా దాదాపు 10 లక్షల మందిని శిభిరాలకు పంపింది. బెంగాల్‌లో 74 వేల మంది సిబ్బందిని, 2 లక్షల మందిని రంగంలో దించారు.


By May 26, 2021 at 12:27PM


Read More https://telugu.samayam.com/latest-news/india-news/very-severe-cyclonic-storm-yaas-landfall-process-continues-in-odisha-coast/articleshow/82967563.cms

No comments