Tauktae Cyclone Affect గల్లంతయిన ఆ నౌకలో 26 మృతదేహాలు లభ్యం.. మరో 49 మంది మిస్సింగ్

ధాటికి అరేబియా సముద్రంలో ప్రమాదానికి గురైన 'పి 305' అనే వ్యాపార నౌకలో 26 మృతదేహాలు లభ్యమయ్యాయి. ఇంకా 49 మంది ఆచూకీ లభించలేదు. బలమైన ఈదురు గాలులకు ఓఎన్‌జీసీకి చెందిన నౌక కొట్టుకుపోగా.. అందులో 261 మంది సిబ్బంది ఉన్నారు. తొలుత ఆ నౌకలో 273 మంది ఉన్నట్టు భావించినా.. బుధవారం ఈ సంఖ్యపై ఓఎన్‌జీసీ స్పష్టతనిచ్చింది. ముంబయి తీరానికి 50 నుంచి 60 నాటికల్ మైళ్ల దూరంలో ఈ ఘటన చోటుచేసుకుంది. ఇప్పటి వరకూ 186 మందిని రక్షించారు. సోమవారం మధ్యాహ్నం ప్రమాదం జరిగిన తర్వాత ఐదు యుద్ధ నౌకలు, యుద్ధ విమానాలు, హెలికాప్టర్లతో సహాయక చర్యలు ప్రారంభించారు. సహాయక చర్యల్లో , కోల్‌కతా, బియాస్, బెట్వా, తేజ్ యుద్ధ నౌకలు, 1,500 మంది పాలుపంచుకుంటున్నాయి. ఇప్పటి వరకూ 26 మంది ప్రాణాలు కోల్పోగా.. మరో 49 ఆచూకీ తెలియాల్సి ఉంది. వీరంతా ప్రాణాలతోనే ఉంటారని భావిస్తున్నామని నేవీ పేర్కొంది. ప్రమాదంలో ప్రాణాలతో బయటపడి 125 మంది, నాలుగు మృతదేహాలతో ఐఎన్ఎస్ కొచి బుధవారం ముంబయి హార్బర్‌కు చేరుకుందని నేవీ ప్రకటించింది. ఒడ్డుకు తీసుకొచ్చిన మృతదేహాలను మహారాష్ట్రలోని రత్నగిరికి చెందిన క్రూ సిబ్బంది నిలేశ్, జమిష్ జోసెఫ్, అమోల్ రాజ్, విశాల్ కార్ధేరాగా గుర్తించారు. పోస్ట్‌మార్టం కోసం వీటిని జేజే ఆస్పత్రికి తరలించారు. ఈ ఘటనపై ప్రమాదవశాత్తు మృతిచెందినట్టు పోలీసులు కేసు నమోదుచేశారు. రెస్య్కూ ఆపరేషన్‌కు మొత్తం తొమ్మిది యుద్ధ విమానాలు, హెలికాప్టర్లు వినియోగిస్తున్నట్టు రక్షణశాఖ వెల్లడించింది. పి -305లోని సిబ్బందితో పాటు కొలాబా తీరంలో బార్జ్ జిఎఎల్ కన్‌స్ట్రక్టర్‌లో 137 మంది, 220 మంది బోర్డు బార్జ్ సపోర్ట్ స్టేషన్ -3లో ఉన్నారు.. 38 మంది ఓఎన్‌జీసీ ఉద్యోగులు సహా 101 మంది ఉన్న డ్రిల్ సాగర్ భూషణ్ అనే నౌక కూడా ప్రమాదంలో చిక్కుకుంది. ఈ మూడు ఓడల్లోని సిబ్బందిని మంగళవారం రక్షించి తిరిగి ఒడ్డుకు తీసుకువచ్చినట్లు అధికారులు తెలిపారు. ఐఎపి 305 సిబ్బంది కోసం ఐఎన్ఎస్ కోల్‌కతా అన్వేషణ జరుపుతుండగా టగ్ నుంచి ఇద్దరు ప్రాణాలతో బయటపడ్డారు. వారిని రక్షించినట్లు నేవీ వర్గాలు తెలిపాయి. "ఇద్దరు ప్రాణాలతో బయటపడినఆ ఇద్దరూ టగ్‌లో 13 మంది ఉన్నారని చెప్పారు.. మరో 11 మంది మునిగిపోయి ఉండవచ్చని తెలిపారు” అధికార వర్గాలు తెలిపాయి.

By May 20, 2021 at 07:03AM

Read More https://telugu.samayam.com/latest-news/india-news/26-bodies-recovered-49-on-board-barge-still-missing-in-board-barge-papaa/articleshow/82788070.cms