సినిమా రౌండప్: రా ఏజెంట్‌ రెజీనా.. పొలిటికల్ ఎంట్రీపై ఆర్జీవీ కామెంట్.. షాకిచ్చిన సాయి పల్లవి
ఆర్జీవీ పొలిటికల్ ఎంట్రీ.. ఆయన రియాక్షన్ వివాదాలకు పెట్టింది పేరు అన్నట్లుగా దూసుకుపోతున్న రామ్ గోపాల్ వర్మ తాజాగా పొలిటికల్ ఎంట్రీపై స్పందించారు. ''నాకు నేను సేవ చేసుకోవడానికే టైమ్‌ సరిపోవడం లేదు. ఇక ప్రజలకేం సేవ చేస్తా. ప్రజలకు సేవ చేసే ఉద్దేశం ఉన్నవాళ్లే రాజకీయాల్లోకి రావాలి. చాలామంది నేతలు ఫేమ్‌, పవర్‌ కోసమే అడుగుపెడతాడు. ఆ విషయాన్ని బయటకు చెప్పుకోలేరు కాబట్టి ప్రజాసేవ అని పైపై మాటలు చెబుతారు'' అని ఆయన పేర్కొన్నారు. డిటెక్టివ్ నాని రాహుల్ సాంకృత్యన్ దర్శకత్వంలో నాని హీరోగా 'శ్యామ్ సింగ రాయ్' సినిమా రూపొందుతున్న సంగతి తెలిసిందే. థ్రిల్లింగ్ ఎలిమెంట్స్‌తో పాటు కామెడీ డోస్ ఉండేలా తెరకెక్కుతున్న ఈ మూవీలో 'డిటెక్టివ్' పాత్రలో నాని కనిపించనున్నాడని సమాచారం. సాయి పల్లవి నోటా అదే మాట 'ఛత్రపతి' సినిమా బాలీవుడ్ రీమేక్‌కి హీరోయిన్ కష్టాలు వెంటాడుతున్నాయి. వీవీ వినాయక్ దర్శకత్వంలో బెల్లంకొండ శ్రీనివాస్ హీరోగా రూపొందనున్న ఈ మూవీ కోసం సాయి పల్లవిని సంప్రదిస్తే సింపుల్‌గా 'నో' చెప్పిందట. గతంలో కొందరు బాలీవుడ్ హీరోయిన్స్ కూడా ఈ సినిమా రిజెక్ట్ చేసినట్లు టాక్. రా ఏజెంట్‌ రెజీనా రీసెంట్‌గా ''ఎవరు, 7, చక్ర'' లాంటి వైవిద్యభరితమైన సినిమాల్లో నటించిన రెజీనా.. ప్రస్తుతం ‘బోర్డర్‌’ అనే తమిళ సినిమా చేస్తోంది. ఇందులో రా ఏజెంట్‌‌గా ఆమె రోల్ చాలా కీలకం అని తెలుస్తోంది. అరుణ్‌ విజయ్‌ హీరోగా నటిస్తున్న ఈ మూవీ తమిళంతో పాటు తెలుగు, కన్నడ, మలయాళ భాషల్లోనూ విడుదల కానుంది. నిజమైన ఆనందం అప్పుడే: తమన్నా తమన్నా నటిస్తున్న తమిళ వెబ్‌సిరీస్‌ ‘నవంబర్‌ స్టోరీ’. తాజాగా సినిమా గురించి రియాక్ట్ అయిన తమన్నా.. తన లోని సృజనాత్మకతతో పాటు నటనలో నైపుణ్యాన్ని ప్రదర్శించేందుకు ఈ మూవీ సాయపడిందని, ఏ పాత్ర చేసినా అది అభిమానులు మెచ్చుకుని ఆనందం పొందినప్పుడే నిజమైన ఆనందం ఉంటుందని చెప్పింది.
By May 14, 2021 at 08:52AM
No comments