ఆస్పత్రిలో చేరిన విజయ్కాంత్... అభిమానుల్లో టెన్షన్
తమిళ అగ్రనటుడు, డీఎండీకే వ్యవస్థాపకుడు తీవ్ర అస్వస్థతకు గురయ్యారు. బుధవారం తెల్లవారుజామున 3 గంటల సమయంలో ఆయన శ్వాస తీసుకోవడంలో ఇబ్బంది పడటంతో కుటుంబసభ్యులు చెన్నైలోని ఓ కార్పోరేట్ ఆస్పత్రికి తరలించారు. విజయ్ కాంత్ ఆరోగ్యం ప్రస్తుతం నిలకడగానే ఉందని, సాధారణ వైద్య పరీక్షల కోసమే ఆయన ఆస్పత్రిలో చేరారని డీఎండీకే వర్గాలు చెబుతున్నాయి. విజయ్కాంత్ చాలాకాలంగా అనారోగ్యంతో బాధపడుతున్న సంగతి తెలిసిందే. ఇటీవలే ఆయనకు కరోనా పాజిటివ్ నిర్ధారణ అయింది. కొద్దిరోజుల చికిత్స అనంతరం ఆయన ఆరోగ్యం కుదుటపడింది. తాజాగా ఆయనకు శ్వాసకోస సమస్య తలెత్తడంతో డీఎండీకే కార్యకర్తలు, అభిమానులు ఆందోళన చెందుతున్నారు. ప్రస్తుతం ఆయన ఆరోగ్య పరిస్థితిని డాక్టర్ల బృందం పర్యవేక్షిస్తోంది. విజయ్కాంత్ ఒకట్రెండు రోజుల్లో డిశ్చార్జి అవుతారని సన్నిహితులు చెబుతున్నారు. మరోవైపు విజయ్కాంత్ ఆరోగ్య పరిస్థితిపై ఆస్పత్రి వర్గాలు ఎలాంటి సమాచారం ఇవ్వడం లేదు.
By May 19, 2021 at 12:34PM
No comments