ఏడేళ్ల బాలుడి ఉదారతకు ఫిదా.. గిఫ్ట్ పంపి సర్‌ప్రైజ్ ఇచ్చిన సీఎం
వయసులో చిన్నవాడైనా మనసు మాత్రం చాలా పెద్దది. సాధారణంగా చిన్న పిల్లలు ధ్యాసంతా ఆటపాటలపైనే ఉంటుంది. తమ చుట్టూ జరుగుతున్న విషయాలు, సమాజంలో నెలకొన్న పరిస్థితులపై వారికి ఆలోచనే ఉండదు. కానీ, తమిళనాడుకు చెందిన ఓ ఏడేళ్ల బాలుడు మాత్రం దీనికి భిన్నంగా ఆలోచించాడు. ఆ పిల్లాడి గొప్ప మనసుకు సాక్షాత్తు ముఖ్యమంత్రే ఫిదా అయ్యాడు. మదురైకి చెందిన హరీశ్ వర్మన్ అనే బాలుడు ఉదారత్వానికి ముచ్చట పడ్డ ముఖ్యమంత్రి స్టాలిన్ ఆ చిన్నారికి ఓ కానుక కూడా పంపారు. మదురైకి చెందిన ఎలక్ట్రీషియన్ ఇళంగో కుమారుడు హరీశ్ వర్మన్.. సైకిల్ కొనుక్కోడానికి రెండేళ్ల నుంచి డబ్బులు దాచుకుంటున్నాడు. కరోనా పరిస్థితులు నుంచి ఆ చిన్నారి మనస్సు చలించిపోయింది. తాను దాచుకున్న డబ్బును సీఎం రిలీఫ్ ఫండ్‌కు ఇస్తున్నట్లు ఏకంగా సీఎం స్టాలిన్‌కే ఓ లేఖ రాశారు. ఈ సొమ్మును ఓ కోవిడ్ పేషెంట్‌ చికిత్సకు అందివ్వాలని తన లేఖలో పేర్కొన్నాడు. బాలుడు ఉదారస్వభావానికి సీఎం స్టాలిన్ తెగ ముచ్చటపడిపోయారు. ఆ పిల్లవాడికి సైకిల్‌ను బహుమానంగా పంపించారు. ఈ సైకిల్‌ను మదురై నార్త్ ఎమ్మెల్యే కే దళపతి, డీఎంకే నాయకులు ఆ బాలుడికి అందజేశారు. తనకు సాక్షాత్తు ముఖ్యమంత్రే బహుమానం పండంతో ఆశ్చరానికి గురయ్యాడు. దానిని చూస్తూ తెగ సంబరపడిపోయాడు. అంతేకాదు ఆ బాలుడికి సీఎం స్టాలిన్ ఫోన్ చేశారు. ప్రస్తుత పరిస్థితుల దృష్ట్యా చాలా జాగ్రత్తగా ఉండాలని ఆ బాలుడికి సీఎం స్టాలిన్ సూచించారు. హరీశ్ టైమ్స్‌ ఆఫ్ ఇండియాతో మాట్లాడుతూ.. టీవీలో కోవిడ్ పరిస్థితుల గురించి వస్తున్న న్యూస్ చూసి బాధకలిగిందని, ఏదైనా చేయాలని ఆలోచన అప్పుడే వచ్చిందన్నారు. సైకిల్ చాలా బాగుంది.. ముఖ్యమంత్రితో మాట్లాడాను అని సంతోషపడిపోయాడు. ‘‘నీకు సైకిల్ నచ్చిందా.. ఏం చదువుతున్నావు అని అడిగారు.. అంతేకాదు ప్రస్తుత పరిస్థితుల్లో బయటకు వెళ్లొద్దన్నారు.. బాగా చదువుకోమన్నారు’’అన్నారు. హరీశ్ తల్లిదండ్రులు ఇళంగో, గీతలు కూడా తమ కుమారుడు చేసిన పనికి సంబరపడుతున్నారు.
By May 11, 2021 at 01:13PM
No comments